BNR igiye kwemerera ibindi bigo byigenga gutanga serivisi z’ubwiteganyirize

Yanditswe na Kanamugire Emmanuel
Kuya 1 Ukwakira 2016 saa 04:20
Yasuwe :
0 0

Banki Nkuru y’Igihugu (BNR) igiye gutangira gutanga impushya ku bigo byigenga bishaka gutanga serivisi z’ubwiteganyirize bw’abakozi, ni mu gihe mu Rwanda habarizwaga ikigo kimwe cya Leta cy’ubwiteganyirize (RSSB).

Ibi bikurikiye itegeko rishya rigenga ubwiteganyirize riheruka kwemezwa n’abadepite muri Gashyantare umwaka ushize, riha ibindi bigo byigenga uburenganzira bwo gutanga serivisi z’ubwiteganyirize.

Mu gikorwa cyo gutangaza uko ubukungu bw’u Rwanda buhagaze cyabaye kuwa kabiri w’iki cyumweru, Umuyobozi ushinzwe imiterere y’ubukungu muri BNR, Peace Uwase, yavuze ko guha uburenganzira ibindi bigo byigenga ngo bitange serivisi z’ubwiteganyirize, bigamije kongera umubare w’abizigamira no gutuma abaturage barushaho kugerwaho na serivisi z’imari.

Ubushakashatsi bwakozwe na BNR bugaragaza ko iyi gahunda itarafungurwa neza, hari ibigo byigenga birenga 50 imisanzu yabyo y’ubwiteganyirize icungwa n’ibigo by’ubwishingizi.

Uwase avuga ko itegeko rishya riha ibigo byigenga amahirwe yo gucunga imisanzu y’ubwiteganyirize nk’ibigo bitanga serivisi z’ubwiteganyirize zose.

Yagize ati “Twafunguye imiryango kubashaka impushya zo gutangira, turateganya gutangira kwakira ubusabe mu Ugushyingo kandi tuzakomeza kubwakira kugeza mu mpera z’umwaka.”

Abasesenguzi basanga izi mpinduka zizongera ubwiza bwa serivisi n’ibigenerwa uwiteganyirije kuko abiteganyiriza bazaba bafite amahitamo menshi.

Kugeza ubu amabwiriza agenga ibyo kwandika ibigo byigenga byifuza gutanga serivisi z’ubwiteganyirize n’uburyo bizakora yashyikirijwe ibiro bya Minisitiri w’intebe kugira ngo azasohoke mu igazeti ya Leta.

RSSB niyo yihariye ibijyanye no gucunga imisanzu y'ubwiteganyirize bw'abakozi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244