Abanyarwanda barenga ibihumbi 170 bamaze kwiyandikisha mu kigega Ejo Heza

Yanditswe na Twarabanye Venuste
Kuya 31 Ukwakira 2019 saa 10:02
Yasuwe :
0 0

Imibare mishya y’ikigega ‘Ejo Heza’ yerekana ko abanyarwanda barenga ibihumbi 170 bamaze kucyiyandikishamo, muri bo ibihumbi 60 bamaze kwizigamira, aho ubwizigame bumaze kugera mu kigega ari miliyoni zirenga 500 FRW.

Ku itariki ku itariki 14 Ukuboza 2019 ikigega Ejo Heza kizaba cyujuje umwaka gitangiye kwakira ubwizigame.

Umuyobozi wa Ejo Heza muri RSSB, icunga icyo kigega, Herbert Asiimwe, avuga bishimira uko abanyarwanda bari kumenya no gukangukira kwizigamira muri icyo kigega.

Ati “Tumaze kubona abanyamuryango benshi biyandika, ubu dufite abanyamuryango barenga ibihumbi 170 bamaze kwiyandikisha, ariko tumaze kubona abanyamuryango ibihumbi birenga 60 bamaze gutanga ubwizigame bwabo.”

Akomeza agira ati“Ubu ubwizigame bwabo bumaze kugera nko muri miliyoni 500 zirenga, tubona ari ibintu byiza uko abanyarwanda barushaho kumva Ejo Heza niko bakomeza kwitabira.”

Guverinoma y’u Rwanda yihaye intego yo kuzamura urwego rw’ubwizigame bukava ku gipimo cya 10.6% bukagera kuri 23 % mu 2024.

Guteganyiriza izabukuru ku banyarwanda ni bumwe mu buryo bwo kuzamura ubwizigame bw’igihugu no kwizera ko abaturage bakuze bazaba bafite ikibabeshaho.

Abari mu cyiciro cya mbere n’icya kabiri cy’ubudehe Leta ibongerera ku bwizigame bwabo mu kigega Ejo Heza.

Basabwa kwizigama nibura 15,000 FRW ku mwaka leta ikabongereraho andi 18,000 Frw, ni inyongera ya 100%. Mu gihe icya gatatu nacyo gisabwa kwizigama 18,000 FRW cyongererwa 50%.

Abari mu cya kane basabwa nibura kwizigama 72,000 FRW ku mwaka ariko ntacyo leta ibongereraho.

Umaze umwaka atanga neza ubwizigame yiyemeje, iyo agize ibyago ahabwa 250,000 FRW yo gushyingura naho iyo uwizigama ari we witabye Imana umuzungura we ayasaba mu masaha 24.

Umaze umwaka atanga ubwizigame bwe neza anahabwa 1,000,000 FRW y’ubwishinguzi bw’ubuzima igihe yaba agize ikibazo.

Urwo ruhare rwa leta rukazatangwa mu gihe cy’imyaka itatu, uhereye igihe Ejo Heza, yagiriyeho kimwe n’ubwishingizi bw’ubuzima n’ubwo gushyingura.

Umuyobozi ushinzwe ‘Ejo Heza’ muri RSSB, Hebert Asiimwe yavuze ko iki kigega abantu benshi bakomeje kukigana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza