00:00:00 IGIHE NETWORK KN KINYARWANDA EN ENGLISH FR FRANCAIS

UNIMONI yabujijwe kongera gutanga serivisi z’ivunjisha mu Rwanda

Yanditswe na Dufitumukiza Salathiel
Kuya 2 Ugushyingo 2021 saa 01:26
Yasuwe :
0 0

Banki Nkuru y’u Rwanda (BNR) yahagaritse Sosiyete ya UNIMONI Bureau De Change Ltd, gukomeza serivisi isanzwe itanga zo kuvunja amafaranga y’amanyamahanga mu Rwanda.

Mu itangazo BNR yageneye abanyamakuru, yasobanuye ko iyo sosiyete yazize kutubahiriza ibigenwa n’amategeko.

Riragira riti “UNIMONI Bureau De Change Ltd yambuwe uruhushya rwo gukora imirimo yo kuvunja amafaranga y’amanyamahanga no gutanga serivisi zo kohereza amafaranga kubera impamvu yo kutubahiriza ibisabwa n’amategeko.”

Rikomeza rivuga ko umuntu wese uzakorana n’iyo sosiyete muri ibyo bikorwa, azirengera ingaruka azahuriramo nazo.

UNIMONI Bureau De Change Ltd yahoze yitwa UAE Exchange ni sosiyete mpuzamahanga itanga serivisi z’imari zirimo ivunjisha ry’amafaranga n’iyoherezwa ryayo mu bihugu bitandukanye.

Ni iy’Ikigo cy’ishoramari cy’Abarabu, Finablr, gikorera mu bihugu birenga 170.

Mu 2018 cyatangaje ko cyatanze serivisi z’imari (transactions) zirenga miliyoni 150, kigacunga arenga miliyari 115$ y’abakiliya bacyo.

BNR yaburiye Abaturarwanda ko uzakorana na UNIMONI Bureau De Change Ltd azirengera ingaruka azahuriramo nazo kuko yahagaritswe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .