Kwamamaza

Tigo yateye intambwe mu gufasha abakiliya kutagendana amafaranga mu ntoki

Yanditswe kuya 17-10-2016 saa 20:57' na Jean Pierre Tuyisenge


Mu gihe Sosiyete y’Itumanaho ya Tigo iri kwizihiza imyaka irindwi imaze ikorera mu Rwanda, Abayobozi bayo bavuga ko nubwo yatangiye nta mukiliya numwe ifite, ubu bishimira urwego rushimishije imaze kugeraho.

Ivuga ko Umugambi Leta y’u Rwanda yihaye wo kuba mu mwaka wa 2020 abanyarwanda bazaba batakigendana amafaranga mu ntoki, ko iwugeze kure yifashishijeTigo Cash na Sugira.

Umuyobozi wayo wungirije ,Chantal Umutoni Kagame, yagize ati “ Ubu hamwe na Tigo Sugira, umukiliya ashobora kwizigamira ndetse akazahabwa inyungu ya 7% ku mwaka. Ubu ushobora kubikuza kuri banki nka KCB, I&M na Access Bank ukoresheje Tigo Cash. ”

Umutoni yavuze ko kuva mu mwaka wa 2009 bagiye bahura n’ingorane ariko ngo ntizababujije kugera aho bageze. Ubwo Tigo yinjira ku isoko ry’u Rwanda muri uwo mwaka idafite umukiliya n’umwe ngo yari ifite ikibazo cy’uburyo izazamura umubare w’abakiliya n’umuyoboro w’itumanaho mu gihugu hose.

Ati “Ubu dufite miliyoni eshatu z’abakiliya bari ku murongo wa Tigo kandi n’imiyoboro yacu y’itumanaho igera mu gihugu hose. Twishimira ko twabaye Sosiyete ya mbere y’Itumanaho yatangije mbere uburyo bwo gukoresha Internet yihuta mu Rwanda ya 3G na 4G muri telefoni zigendanwa.”

Avuga ko gukura kw’iyi Sosiyete bitagiriye umumaro Tigo gusa ahubwo n’Igihugu muri rusange.

Ati “ Turi abambere mu bishyura imisoro mu gihugu kuko umwaka ushize twishyuye miliyoni 13 z’Amadolari, Tigo yahaye akazi abanyarwanda ibihumbi n’ibihumbi.”

Uyu muyobozi akomeza avuga ko Tigo yatanze umuyoboro mwiza wa Internet watumye habaho amahirwe mu kuzamura ubukungu, ibintu avuga ko bitari gushoboka mbere. Ati “ Ubu buryo bwa Internet ni kimwe mu byagize uruhare mu kuzamura ubukungu turi kubona uyu munsi, twe nka Tigo twishimiye umumaro wacu muri byo.”

Ibyo byose ngo ntibari kubigeraho iyo batabifashwamo n’abakiliya ari yo mpamvu batangije gahunda bise “Turahabaye", igamije kuzenguruka igihugu cyose bereka abakiliya babo ko bari kumwe kandi ko babaha agaciro.

Abayobozi b’iyi sosiyete bemeza ko abatunze telefoni ngendanwa bazagera kuri 100%, kandi ngo Tigo izabigiramo uruhare ihanga udushya tuzatuma buri muntu atunga telefoni. Ibi babitangaje mu gihe Ikigi cy’Igihugu gishinzwe kugenzura imirimo imwe n’imwe ifitiye igihugu akamaro RURA gitangaje ko ubu 80% by’Abanyarwanda batunze telefoni ngendanwa.

Abayobozi ba Tigo bavuga kandi ko bagize n’uruhare mu gufasha amatsinda y’abantu batandukanye mu iterambere ryabo.

Chantal yagize ati “ Twakomeje kwiyumvamo inshingano zo kugira umusanzu dutanga muri sosiyete. Nka Tigo, twahaye Pro-femmes Twese Hamwe ibihumbi 12 by’amadolari, twatanze inkunga ingana na miliyoni 50 kuri ba rwiyemezamirimo b’abagore, twishyuriye abantu 743 mituweli batuye mu turere ta Musanze na Huye, twahaye inka abarokotse Jenoside yakorewe abatutsi mu karere ka Gatsibo, tunatanga ibikoresho bitanga amashanyarazi akomoka ku mirasire y’izuba bifite agaciro ka miliyoni 4.5 ku Rwibutso rwa Bisesero. Ubu tugiye gutangiza amarushanwa afite agaciro ka miliyoni 7.5 tuzaha ba Rwiyemezamirimo bakiri bato bashaka kwiteza imbere.”

Sosiyete y’itumanaho ya Tigo yageze ku isoko ry’u Rwanda mu mwaka wa 2009, kugeza uyu munsi yishimira intambwe yateye n’iterambere yagejeje ku banyarwanda.

Umuyobozi wa Tigo wungirije, Chantal Umutoni Kagame

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved