Tigo yamuritse gahunda yiswe “ Turahabaye” yo kwegera abakiriya

Yanditswe na Ishimwe Israel
Kuya 17 Nzeri 2016 saa 11:51
Yasuwe : XX
0

Sosiyete y’Itumanaho ya Tigo Rwanda yatangije gahunda nshya yiswe “Turahabaye” mu rwego rwo kurushaho kwegera abakiriya bayo ndetse no kunoza serivisi zitandukanye ibagenera.

Kuri uyu wa Gatanu tariki ya 16 Nzeri 2016, nibwo Tigo Rwanda yatangije iyi gahunda ku ikubitiro ikaba yatangiriye mu Karere ka Rwamagana mu Ntara y’Iburasirazuba.

Muri iyi gahunda ya Turahabaye, Tigo Rwanda igenda iganira n’abafatabuguzi batandukanye yungurana ibitekerezo n’abakiriya bayo ndetse inababaza imbogamizi n’ ibibazo bakunze guhura na byo.

Uretse kuganira n’abakiriya, Tigo igerageza gushimisha abakiriya bayo yifashishije ba ambasaderi bayo b’abahanzi bayihagarariye barimo itsinda rya Dream Boys, Bruce Melody, na Christopher,aho usanga baba baririmbira banabyinira abafatabuguzi b’iyi sosiyete.

Byukusenge Nadia, ukoresha umurongo wa Tigo muri aka Karere ka Rwamagana we yagize ati “Byadushimishije cyane kuko tubona amahirwe yo kuganira n’abayobozi ba Tigo ndetse no kwibonera aba bahanzi ba Dream Boys, Bruce Melody, Dream Boyz, na Christopher ku buryo njye numva bajya bahora bategura iyi gahunda buri gihe.”

Umuyobozi w’ibikorwa byo kwamamaza muri Tigo Rwanda, Nshuti Thierry yatangaje ko iyi gahunda iri mu rwego rwo gukangurira no kurushaho kwegera abakiriya bacyu.

Yagize ati “ Iyi gahunda yacu igamije kwegera abakiriya bacu twishimira ibyo tumaze kugeranaho mu myaka irindwi.Tunabibutsa ko hari byinshi byagezweho ndetse n’udushya Tigo yagiye izana turimo gahunda ya Tigo Cash n’iya internet mu modoka n’izindi zitandukanye.”

Yavuze ko Tigo Rwanda imaze kugira abafatabuguzi bagera kuri 3,200,000 ndetse ifite intego y’uko uyu mwaka uzarangira ari yo sosiyete ya mbere y’itumanaho mu Rwanda izaba ifite abakiriya benshi.

Gahunda ya “Turahabaye” biteganyijwe ko izakorwa no mu tundi turere turimo Musanze, Rubavu na Rusizi ndetse isorezwe mu Mujyi wa Kigali.

Abakozi ba Tigo baganiriza abaturage
Abaturage bari bitabiriye ku bwinshi
Umuhanzi Christopher mu bataramiye abaturage b'i Rwamagana
Itsinda Dream Boys mu ndirimbo zabo zikunzwe bishimiwe cyane

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza