TECNO Mobile yazanye uburyo bwo gutsindira Camon 12 no gutemberezwa muri Kajugujugu

Yanditswe na Uwiduhaye Theos
Kuya 26 Ugushyingo 2019 saa 03:49
Yasuwe :
0 0

Uruganda rukora rukanacuruza telefoni zigezweho rwa TECNO Mobile, rwashyizeho uburyo abarukurikira ku mbuga nkoranyambaga bashobora kwegukana byoroshye telefone ya TECNO Camon 12 ruherutse gushyira ku isoko.

Ni muri gahunda yiswe ‘Landmark Compaign’ yatangiye ku wa 16 Ugushyingo ikazasozwa mu mpera z’uyu mwaka aho abantu 12 bazatoranywa bagahembwa telefoni za Camon 12 mu gihe abandi bane bazatemberezwa muri kajugujugu.

Kujya muri iyi gahunda bisaba kwifashisha hashtag ya #Cthelandmark ubundi ugafata ifoto ya selfie uri ahantu nyaburanga hashobora kuba mu birunga, muri Pariki y’Akagera, kuri Kigali Convention Centre cyangwa ahandi hagaragaza ubwiza n’imiterere y’u Rwanda ubundi warangiza ugahuza (tag) kuri Instagram cyangwa Facebook kuri @tecnomobilerw.

TECNO Camon 12 izahembwa abazatsinda , ni telefoni ikoranywe ubuhanga buhanitse ku buryo itandukanye cyane n’izindi zisanzwe zo mu bwoko bwayo.

Iyi telefoni ifite ububiko (internal storage) bwa 64 GB, RAM ifite 4GB, ifite camera eshatu z’inyuma iya mbere ifite megapixel 16 , iya kabiri ifite umunani ndetse n’iya gatatu ifite ebyiri. Camera y’imbere ifite megapixel 16 ikaba kandi ifite ikorabuhanga ku buryo yakoresha internet ya 2G, 3G na 4G . Ikoresha Android 9.0 (Pie); HIOS 5.5.

Iyi telefoni kandi ijyamo Sim Card ebyiri. Ikaba ipima garama 170.7. Ifata amafoto agaragara neza kuko afite pixel 720 x 1600 ndetse ikaba ishobora gukurwamo umubare w’ibanga hakoreshejwe igikumwe.

Ishobora kuvuga nta twumvisho (Ecouters). Uretse ibi, ifite n’ibindi byinshi bituma uyigura aticuza kuba ayifite.

TECNO Mobile yakoze telefoni zakunzwe na benshi zirimo TECNO Spark 3, TECNO Spark 3 pro, TECNO Spark 4, TECNO Camon11, TECNO Camon11 Pro, TECNO Pop2, TECNO Pouvoire 3, TECNO Pouvoire 3 Air, TECNO Phantom 9, n’izindi nyinshi.

TECNO, ni izina rimaze kumenyekana muri Afurika ku buryo hari aho ushobora kugera wavuga telefone igendanwa, akaba ari ryo rihita riza mu ntekerezo za benshi.

Telefoni za TECNO zikorerwa mu Bushinwa n’uruganda rwa Transsion Holdings, rwatangiye mu 2006, ubu nirwo ruganda rufite telefoni nyinshi muri Afurika kandi zihendutse.

Kujya muri iyi gahunda bisaba kwifashisha hashtag ya #Cthelandmark ubundi ugafata ifoto ya selfie uri ahantu nyaburanga hashobora kuba mu birunga, muri Pariki y’Akagera, kuri Kigali Convention Centre cyangwa ahandi hagaragaza ubwiza n’imiterere y’u Rwanda ubundi warangiza ugahuza (tag) kuri Instagram cyangwa Facebook kuri @tecnomobilerw
Abantu 12 bazatoranywa bazahembwa telefoni za Camon 12 mu gihe abandi bane bazatemberezwa muri kajugujugu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza