Kwamamaza

RwandAir mu bufatanye na Bird Travel mu bucuruzi bwa serivisi zayo mu Buhinde

Yanditswe kuya 11-07-2016 saa 21:56' na Ezechiel Mbananabo


Mu gihe Sosiyete Nyarwanda “RwandAir” ikora ingendo zo mu kirere iteganya gutangiza ibikorwa byayo mu Mujyi wa Mumbai mu Buhinde mu gihembwe cya nyuma cy’uyu mwaka wa 2016, yamaze gutoranya ikompanyi Bird Travels itanga serivisi z’imicungire y’ingendo zo mu kirere kuyicururiza serivisi zayo muri icyo gihugu.

Bird Travels ni ishami rya sosiyete Bird Group ihagarariye ingendo zo mu kirere n’abandi bafatanyabikorwa mu by’ingendo n’ubukerarugendo cyane ibikorwa by’ubucuruzi n’ imicungire y’indege.

Ni imwe muri sosiyete zikomeye mu bijyanye n’indege mu Buhinde dore ko imaze imyaka irenga 40 ikora, ikaba ifite ibiro birenga 45 bikorwagamo n’abakozi barenga 6000.

Umuyobozi Mukuru wa RwandAir, John Mirenge, yavuze ko batoranyije iyi kompanyi kugira ngo ibafashe kwamamaza izina rya RwandAir, kumenyekanisha ibikorwa byayo no kugurisha serivisi zayo ku isoko rishya ry’ingirikamaro.

Yagize ati“Bird Travels izakoresha uburambe bwayo, kandi izaba umuhuza w’ako kanya ku iterambere ry’ubucuruzi bw’ingendo zo mu kirere mu Buhinde, burimo gutanga amatike y’indege no gutanga serivisi z’ubufasha bw’ako kanya ku bucuruzi bwo mu ngendo.”

Praful Khosla,Umuyobozi Nshingwabikorwa wungirije w’ikompanyi Bird Travels, yavuze ko bishimiye gukorana na RwandAir nk’umucuruzi mukuru wa serivisi zayo.

Ati“RwandAir ni imwe muri sosiyete zikora ingendo zo mu kirere ziri kwaguka ku buryo bwihuse ku mugabane wa Afurika, ndetse irateganya guhuza u Buhinde na Afurika binyuze ku gicumbi cyayo i Kigali mu Rwanda. Twiteze ubundi bufatanye bukomeye mu mikoranire na RwandAir kuko bafite intego yo guteza imbere ibikorwa byabo.”

Rwanda izajya ikorera ikora ingendo enye buri cyumweru mu Mujyi wa Mumbai ikoresheje indege nshya zayo za Airbus A330-300 zifite imyanya 274.

Kugeza ubu ikorera ingendo mu mijyi 17 yo mu Burengerazuba, u Burasirazuba n’Amajyepfo ya Afurika ndetse no mu Burasirazuba bwo hagati (Middle East)
Muri 2014,RwandAir yashyizwe ku rutonde rw’amasosiyeti y’indege ku isi afite umutekano, nyuma yo gukorerwa ubugenzuzi n’Ikigo mpuzamahanga (IATA) gishinzwe indege zitwara abantu n’ibintu.

Umuyobozi Mukuru wa RwandAir, John Mirenge

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 29 Ugushyingo 2016
Copyright © 2009 -2014 - IGIHE Ltd - All Rights Reserved