00:00:00 IGIHE NETWORK KN KINYARWANDA EN ENGLISH FR FRANCAIS

RwandAir igiye gusubukura ingendo muri Uganda

Yanditswe na Muhonzire Sylvine
Kuya 9 Nzeri 2021 saa 06:23
Yasuwe :
0 0

Sosiyete Nyarwanda ikora ubwikorezi bwo mu kirere, RwandAir, yatangaje igihe izasubukuriraho ingendo zijya muri Uganda nyuma y’amezi hafi abiri izihagaritse kubera ubwiyongere bukabije bwa Coronavirus bwagaragara muri Uganda.

Ku itariki 10 Kamena 2021 nibwo izi ngendo zahagaritswe, ndetse nyuma y’iminsi itanu Minisiteri y’Ubuzima itangaza ko abavayo bazajya babanza gushyirwa mu kato k’iminsi irindwi mbere y’uko bakomeza gahunda zabo.

RwandAir ibinyujije kuri Twitter, yatangaje ko izasubukura ingendo zijya ku kibuga cy’indege cya Entebbe giherereye i Kampala muri Uganda ku itariki 17 Nzeri 2021, isaba abantu bifuza kujyayo gutangira kubisaba bakoresheje urubuga rwayo.

Iki cyemezo kije nyuma y’igihe gito Minisiteri y’Ubuzima ikuyeho iminsi irindwi abagenzi bava Uganda n’u Buhinde bajyaga bamara mu kato aho kuri ubu bazajya bakurikiza amabwiriza asanzwe yubahirizwa n’abo mu bindi bihugu.

Ayo mabwiriza avuga ko umugenzi wese azajya abanza kwerekana icyemezo cy’uko atanduye Covid-19 kitarengeje amasaha 72 mbere y’uko yinjira mu Rwanda, ndetse yanahagera akabanza gufatwa ikindi gipimo gifatirwa mu kanwa kizwi nka RT-PCR agakomeza gahunda ze nyuma yo kubona igisubizo cyerekana ko atanduye.

Ingendo zerekeza ku Kibuga Mpuzamahanga cya Entebbe muri Uganda zisanzwe zikorwa ku wa Mbere, ku wa Gatatu, ku wa Kane, ku wa Gatanu, ku wa Gatandatu no ku Cyumweru.

Tariki 17 Nzeri 2021 nibwo RwandAir izasubukura ingendo muri Uganda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .