Kwamamaza

Muri Nzeri, ibiciro byiyongereyeho 5,8% mu mijyi na 8,3% mu byaro

Yanditswe kuya 12-10-2016 saa 06:53' na Mukaneza M.Ange


Raporo Ngarukakwezi y’Ikigo cy’Igihugu gishinzwe Ibarurishamibare mu Rwanda (NISR), ku gipimo cy’ihindagurika ry’ibiciro, yagaragaje ko mu kwezi kwa Nzeri 2016 ibiciro byiyongereyeho 5,8% mu Mijyi na 8.3% mu byaro ugereranyije na Nzeri 2015.

Iri hindagurika ry’ibiciro mu muri Kanama 2016 ryari ku kigereranyo cya 6.4% mu Mijyi na 8,1% mu byaro.

Nk’uko bigaragara muri iyi raporo yasohotse ku itariki ya 10 Ukwakira 2016, zimwe mu mpamvu zatumye ibiciro bizamukaho 5.8% mu mijyi, harimo ibiciro by’ibiribwa n’ibinyobwa bidasembuye byiyongereyeho 11.2%, ibya resitora n’amahoteli byageze kuri 6,2% n’aho ibijyanye n’ubwikorezi bigera ku 8,7%.

Mu byaro ho izamuka ryaturutse ku biciro by’ibiribwa n’ibinyobwa bidasembuye byazamutseho 14,0% n’aho iby’ibindi bikoresho na serivisi nkenerwa bizamukaho 8,4%.

Ibiciro bikomatanyirijwe hamwe mu mijyi no mu byaro, muri Nzeri 2016 byiyongereyeho 7.4% ugereranyije na Nzeri 2016, mu gihe muri Kanama byari byiyongereyeho 7.5%.

Iyo ugereranyije Nzeri na Kanama 2016 usanga ibiciro byarazamutseho 1.7%. Izamuka ahanini ryatewe no kwiyongera kw’ibiciro by’ibiribwa n’ibinyobwa bidasembuye byazamutseho 3,2%.

N’ubwo ibiciro bikomeje kuzamuka cyane, Banki Nkuru y’Igihugu itanga icyizere ko bizagenda bigabanuka aho iteganya ko mu Ukuboza 2016, ihindagurika rizaba riri hagati ya 5.7% na 6%.

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved