Multi Design Group yatangije isoko ry’inzu n’ibibanza kuri internet

Yanditswe na Muvunyi Arsène
Kuya 28 Kamena 2019 saa 03:15
Yasuwe :
0 0

Sosiyete ya Multi Design Group Ltd, yatangije serivisi nshya zirimo isoko ryo kuri internet rigurishirizwaho inzu n’ibibanza no guhuza abakiriya n’abagurisha imitungo itimukanwa.

Multi Design Group ni sosiyete y’ubucuruzi isanzwe itanga serivisi zitandukanye zirimo kugena agaciro k’imitungo, gucunga imitungo itimukanwa, gukora no gucunga imishinga n’ibindi.

Kuri ubu bamaze gutangiza serivisi ijyanye no guhuza abakiriya bagura, abakodesha n’abafite imitungo itimukanwa igurishwa cyangwa se ikodeshwa.

Ndayisaba Nkotanyi Cedric umukozi ushinzwe iyi serivisi, yabwiye IGIHE ko ufite inzu cyangwa undi mutungo utimukanwa ashaka kugurisha cyangwa gukodesha bamufasha kubona umukiriya mu gihe cya vuba.

Ati “Tubashakira umukiriya ushaka gukodesha cyangwa kugura, noneho hari n’uburyo bwa kinyamwuga bwo kumushaka, ubwo kwamamaza cyangwa kumenya kumvikana ibiciro.”

Yongeyeho ko bitewe n’amasezerano bagiranye n’uguze ubutaka cyangwa inzu, bamufasha kubona ibyangombwa by’ubutaka cyangwa se ibyo kubaka mu gihe abikeneye ndetse no kumugira inama ijyanye nicyo ubutaka bwagenewe gukoreshwa kugirango bifashe umukiriya mu igenamigambi rye.

Byose bikorwa kinyamwuga n’abantu babyize, binatuma abatugana batugirira icyizere yaba abafite imitungo igurishwa ndetse n’abaguzi cyangwa abakodesha kuko baba bizeye neza ko servisi tubaha zijyanye n’igihe n’ubushobozi.

Multi Design Group kandi yatangije urubuga rwa interineti www.mdgrou.com rumeze nk’isoko, aho umuntu wese ashobora gushyiraho inzu cyangwa ikibanza agurisha, abaguzi bakabasha kukibona ako kanya.

Ushaka kwerekana umutungo agurisha asabwa gufungura konti kuri uru rubuga akishyura amafaranga make, akayishyurira aho ari bitamugoye cyangwanse ngo bimusabe ingendo nyinshi. Ni mu gihe abaguzi bo basabwa gusura uru rubuga gusa.

Uru rubuga ni andi mahirwe mashya ku basanzwe banakora ubukomisiyoneri mu bice baherereyemo cyangwa bakoreramo, kuko umukomisiyoneri wese ubyifuza azajya abasha gushyiraho inzu cyangwa ikibanza ari kugurisha bitume abakiriya bamubona byoroshye.

Ushaka gucururiza kuri uru rubuga imitungo itimukanwa ariko adafite internet ihagije cyangwa mudasobwa, ashobora kwifashisha telephone igezweho ‘smartphone’, cyangwa akajya muri cyber café “inzu bagurishirizamo internet” imwegereye, abahakora bakaba babimufashamo.

Amafranga umuntu yishyura ahwanye n’ibyo ahakura kuko tubafasha kwamamaza ibikorwa byabo bikagera ku bantu benshi mu gihe gito.

Umukozi ushinzwe ubucuruzi muri Multi Design Group, Imanishimwe Joyeuse, yavuze ko uru rubuga ruje gufasha abagurisha kubona abakiriya mu buryo bworoshye kuko ruzajya ruhuriraho abagura n’abagurisha imitungo.

Ati “Ubasha kurukoresha aho uri hose, igihe icyo ari cyo cyose. Waba uri muri Kigali cyangwa mu ntara ushobora gushyiraho inzu yawe ikabasha kugera ku bantu benshi kandi mu gihe gito, atari ukuvuga ngo ugiye gushaka umuntu wakugurira”.

Kugurira kuri iri soko ni uburyo bwiza bwo kuzigama umwanya n’amafaranga dore ko ugurisha aba yashyizeho ibiciro, n’amafoto y’uwo mutungo ku buryo umukiriya ashima ataranagera aho uri.

Imanishimwe avuga ko amarembo afunguye kuri buri muntu wese wifuza kugurisha cyangwa gukodesha umutungo, ibintu byitezweho byibuze guhanga imirimo mishya 200.

Ati “Umuntu wese ufite icyo agurisha ashobora kwiyandikisha ku rubuga agashaka abaguzi. Ushobora kuba nta kazi ufite ariko uzi inzu ikodeshwa cyangwa igurishwa, nyirayo mukavugana yakwemerera kuyigurisha,ugafata ifoto yayo ukayishyira ku rubuga ubundi ukabona abakiriya”.

Akomeza avuga ko bizeye ko muri uyu mwaka bazahanga imirimo mishya 200, bakaba bashishikariza abantu kugana uru rubuga kuko bazarukuraho umusaruro ushimishije cyane.

Igenagaciro ntiryibagiranye

Bitewe n’uko Multi Design Group, basanzwe bakora ibijyanye no kugena agaciro, bafasha ushaka kugurisha umutungo we kumenya agaciro uhagaze kugira ngo batamuhenda cyangwa se nawe agaca menshi bigatuma inzu cyangwa ikibanza bidatinda ku isoko bitaragurwa.

Umwihariko iyi sosiyete ifite ni uko bakorera mu turere hafi ya twose tw’u Rwanda kandi bagatanga serivisi nziza kuko bafite abakozi babyize banafite uburambe bikaba byakorohereza ababagana kubona serivisi nziza.

Barateganya kuzenguruka ibice bitandukanye byo mu mijyi yunganira Kigali, aho bazasanga abahatuye bakabasobanurira ibyo bakora.

Multi Design Group ifatanyije n’abahanzi b’ibyamamare batandukanye irateganya igikorwa cy’ibitaramo cyiswe “Meet Stars” cyo kuzenguruka mu turere turimo imijyi yunganira Kigali mu rwego rwo kwegera abakiliya ndetse n’abandi bacururiza muri iyo mijyi.

Nkotanyi Cedric ushinzwe serivisi zo guhuza abakiriya n'abagurisha yizeza ababagana serivisi nziza
Imanishimwe Joyeuse Ushinzwe ubucuruzi muri Multi Design Group avuga ko isoko batangije rizatanga imirimo
Ukeneye Serivisi za Multi Design Group azibonera aho ari hose igihe cyose

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza