Kwamamaza

Mu myaka 10, Goshen yavuye kuri miliyoni 16 igera kuri miliyari zisaga enye

Yanditswe kuya 14-09-2016 saa 11:30' na IGIHE


Kuva kuri miliyoni 16 ukagera kuri miliyari enye mu gihe gito, ni intambwe ihanitse y’iterambere mu gucuruza imari, yishimiwe n’Ikigo GOSHEN Finance Ltd mu gihe hibukwa urugendo bamazemo imyaka 10 bubaka ubukungu bw’Abanyarwanda.

Nyuma y’iyi myaka icumi, Ikigo Goshen Finance Ltd kimaze kubona kandi Inama y’Ubuyobozi Nshya (Board of Directors) izagifasha kurushaho kuba indashyikirwa, kigeza ku bakiliya bacyo by’umwihariko n’Abanyarwanda muri rusange, serivisi z’akataraboneka.

Biteganyijwe ko kuri uyu wa Kane tariki ya 15 Nzeli 2016 hakorwa ihererekanyabubasha hagati ya Komite Nyobozi (Conseil d’Administration) icyuye igihe na Komite Nyobozi Nshya.

Nk’uko bitangazwa na Ignace Musangamfura, Umuyobozi Mukuru wa Goshen Finance Ltd, impinduka zibayeho muri Komite si izo kunenga abayobozi bacyuye igihe, ahubwo ni ukongera amaraso mashya muri iki kigo, ngo kirusheho kwesa imihigo no kugeza ku bakigana bose ku ntera ishimishije mu bijyanye na serivisi zitangwa n’ibigo by’imari.

Muri uwo muhango kandi hazanamurikwa ibyagezweho na Goshen mu gihe cy’imyaka icumi ishize. Ikigo GOSHEN cyatangijwe n’abizera bo mu Itorero ry’Abadiventiste b’Umunsi wa Karindwi, ariko nta n’umwe giheza mu bakigana.

Amateka yo kuzamuka kwihuse kwa Goshen Finance Ltd

Ikigo cy’imari Goshen Finance Ltd cyashinzwe kuwa 29/09/2005, cyemerwa na Banki Nkuru y’u Rwanda BNR muri Gicurasi 2006 . Mu mwaka wa 2008, Goshen yemerewe gukora nk’ikigo cy’imari iciriritse (Micro-Finance).

Mu itangira, Goshen Finance Ltd yari ifite abakozi bane gusa, ubu ifite 63.
Mu itangira Goshen yari ifite Ishami rimwe gusa muri Nyarugenge, ubu ifite amashami arindwi: Nyarugenge, Ruhango, Kimironko, Musanze, Nyabugogo, Rubavu na Remera.

Goshen Finance Ltd yatangiranye abakiliya 300 ubu ifite ababarirwa mu bihumbi 30.
Goshen yatangiranye imari shingiro isaga gato miliyoni 16 (16.400.000 Frw) none ubu ifite amafaranga akabakaba miliyari enye n’igice z’amafaranga (4.400.000.000 Frw).

Kuva mu mezi make ashize, GOSHEN ifite abakiliya 3500 bahawe inguzanyo zo kuzamura ibikorwa byabo no gutangiza ibishya. Abahawe inguzanyo na GOSHEN Finance Ltd kuva yatangira bagera ku bihumbi 25.

Serivisi n’ibikorwa bya GOSHEN Finance Ltd

- Kuzigamira abakiliya no kubungukira hakurikijwe ibisabwa

- Guhererekanya amafaranga binyuze muri Money Gram na Western Union

- Inguzanyo yigihe gito n’ikirekire ku bacuruzi (kongera igishoro mu bucuruzi bwawe)

- Inguzanyo ku binyabiziga kandi icyo kinyabiziga kikaba ari cyo ngwate.(Kuri za koperative n’abanyamuryango bazo, abikorera kugiti cyabo cyangwa no ku bashaka ibinyabiziga byo gutemberamo)

- Inguzanyo y’inzu (umukiriya asabwa kwizigamira buri kwezi mu bushobozi bwe, byibuze mu gihe kingana n’umwaka, kugirango ahabwe inguzanyo yo kubaka, gusana cyangwa kugura ingana n’inshuro enye z’ubwizigame bwe), kandi iyo nzu ikamubera ingwate.

- Inguzanyo ku mushahara (ingana n’inshuro cumi z’umushahara w’umukiriya), icyo asabwa ni ukuba ahahemberwa.

- Inguzanyo ku bigo by’amashuri ku nyungu nziza ku mwaka (kongera ibyumba by’amashuri, kubaka ibibuga byo gukiniramo, gushyiraho za Laboratoires z’ubwoko bwose, … ) Inyungu iganirwaho ikagenwa hakurikijwe ubunini bw’inguzanyo icyenewe.

- Inguzanyo ku bikoresho byo mu nzu (Tvs, utubati, intebe za Salon, Frigo, ibigega by’amazi/Water Tanks, amashyiga ya Gaz / Gas cookers, microwaves, Laptops, …)

- N’izindi nguzanyo zinyuranye zibasha kwifuzwa n’abakiliya, kandi inyungu ikumvikanwaho.

Umwihariko n’akarusho muri Goshen

Goshen Finance Ltd nk’ikigo cy’imari, ntikora gusa ubucuruzi bw’amafaranga, ahubwo igira n’uruhare mu bikorwa biteza imbere imibereho myiza y’abaturage. Batera inkunga ibikorwa rusange biba mu turere bakoreramo, bakanagira ingengo y’imari bagenera buri mwaka ibikorwa byo kwita ku batishoboye.

Akarusho muri Goshen ni serivisi zinoze kandi zihuse kandi byose bigakorwa mu ikoranabuhanga rigezweho. Intero ya Goshen ni “Amajyambere yanyu aratureba.”

Goshen igira uruhare mu bikorwa byo gufasha(Social Events)
Ahakirirwa abakiliya muri rimwe mu mashami ya Goshen
Goshen Finance Ltd ikomeje kwaguka igaba amashami hirya no hino mu gihugu
Icyicaro gikuru cya Goshen Finance Ltd
Ubwo Goshen yemererwaga gukora nk'ikigo cy'imari

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 30 Nzeri 2016
Copyright © 2009 -2014 - IGIHE Ltd - All Rights Reserved