Mayfair Insurance yasabye abayifasha guhura n’abakiliya kuba ba ambasaderi beza

Yanditswe na Jean Pierre Tuyisenge
Kuya 6 Mutarama 2018 saa 09:53
Yasuwe :
1 0

Ikigo cy’Ubwishingizi Mayfair Insurance, kimaze imyaka isaga 12 gitanga serivisi z’ubwishingizi mu Karere u Rwanda ruherereyemo, cyateguye umusangiro wagihuje n’abagihuza n’abakiliya (Brokers), kibasaba kukibera ba ambasaderi beza.

Umuyobozi Mukuru w’icyo kigo, Daniel Mugisha Muhimuzi, yavuze ko bateguye icyo gikorwa kugira ngo bereke ababafasha ko babaha agaciro ndetse ko bazirikana uruhare rwabo mu bucuruzi.

Yagize ati “ Mu bucuruzi bwacu dukorana n’abakiliya, aba badufasha mu kuduhuza na bo, bafite uruhare rugera nko kuri 85%, kuri twe rero ni abantu b’ingenzi duha agaciro kandi tukabaha umwanya ukomeye cyane mu byo dukora, tukanabaha uyu mwanya kuko tuzi ko ubucuruzi bwacu ari bo bushingiyeho.”

Yaboneyeho kubasaba kubera ikigo ba ambasaderi beza ku bakiliya kugira ngo barusheho gutera imbere anabizeza ubufatanye muri byose.

Ati “ Twishimiye gufatanya na bo muri uyu mwuga w’ubucuruzi duha agaciro ibyo bakora kuko baravunika bashaka abakiliya, icyo tubabwira rero ni uko twiteguye nka MayFair gukorana na bo kuko imiterere y’ubucuruzi bwacu twifuza ko 100% iba ari bo inyuzeho, tubateze ibiganza kandi tubakinguriye amarembo y’ubufatanye.”

Yabasabye kandi kumara impungenge abakiliya babagana bakabereka ko atari ikigo gishya ndetse ko ababagannye batigeze babatenguha.

Umuyobozi w’Ikigo gihuza abakiliya n’ibigo by’ubwishingizi cya Global Risk Advisors, Titien Muberangabo, yavuze ko kuva yatangira gukorana na Mayfair, yasanze icyo bavuze bagishyira mu bikorwa.

Mayfair Insurance ni ikigo gikomoka muri Kenya, ariko kimaze kugeza ibikorwa byacyo muri Tanzania na Zambia, kikaba cyarageze mu Rwanda muri Gicurasi 2017.

Ubuyobozi bwacyo butangaza ko bwiteguye kwagurira ibikorwa muri Zimbabwe na Botswana bitarenze uyu mwaka. Gifite umwihariko wo kuba gikorera mu bihugu bitandukanye ariko aho wagera hose ufashwa utarindiriye gusubira mu gihugu wafatiyemo ubwishingizi.

Iki kigo cyishingira ibintu byose, uretse ubwishingizi bw’ubuzima n’ubw’ubuvuzi, bikiri gutekerezwaho.

Bamwe mu bari bitabiriye igikorwa cyahuje Mayfair Insurance n'abayihuza n'abakiliya
Umuyobozi wungirije wa MayFair, Sandip Bhadury ageza ubutumwa ku bitabiriye igikorwa cy'umusangiro
Umuyobozi w’Ikigo gihuza abakiliya n’ibigo by’ubwishingizi cya Global Risk Advisors, Titien Muberangabo
Umuyobozi w’ishami ry’ubucuruzi no kumenyekanisha ibikorwa muri iki kigo, Ngarambe Frank, wari uyoboye iki gikorwa
Umuyobozi Mukuru w'Ikigo cy'Ubwishingizi cya MayFair, Daniel Mugisha Muhimuzi yijeje abahuza ko ikikigo kizakomeza kubaba hafi
Umuyobozi w'Inama y'Ubutegetsi ya Mayfair, Byusa Hangu Alphonse
Umucuranzi Hope yasusurukije abari bitabiriye umusangiro

Amafoto: Niyonzima Moise


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza