Made in Rwanda Expo 2018 izitabirwa n’abamurika basaga 400

Yanditswe na Ishimwe Israel
Kuya 14 Ukwakira 2018 saa 04:26
Yasuwe :
0 0

Imurikagurisha ry’ibikorerwa mu Rwanda rigiye kuba ku nshuro ya kane rizitabirwa n’abamurika barenga 400 bo mu byiciro bitandukanye.

Urugaga rw’Abikorera mu Rwanda (PSF) rubinyujije ku rukuta rwa Twitter rwatangaje ko ‘‘Imurikagurisha rya 2018 rizabera kuri Expo Ground i Gikondo rizatangira ku wa 28 Ugushyingo rigasozwa ku wa 4 Ukuboza 2018.’’

Ryitezwemo abarenga 400’’ bazamurika imyambaro, ibikoresho by’ubwubatsi, ubukorikori, ibikapu, abatunganya ibikomoka ku buhinzi n’ubworozi n’ibindi.

Iri murikagurisha riteza imbere ibicuruzwa bikorerwa mu gihugu, bikamenyekana ku ruhando mpuzamahanga.

Mu 2017 iri murikagurisha ryarimo umwihariko kuko ryerekaniwemo moto ziteranyirizwa mu Rwanda na Rwanda Motorcycle Company (RMC).

Minisiteri y’Ubucuruzi n’Inganda ivuga ko Made in Rwanda Expo ya mbere yo mu 2015 yitabiriwe n’abikorera 250 barimo abatunganya ibituruka ku buhinzi 88, ab’ibikoresho by’ubwubatsi 18, abakora imyenda n’impu 30, ubugeni 101 n’ikoranabuhanga batatu.

Iyi mibare yageze kuri 305 mu 2016 mu gihe mu mwaka ushize bari 420.

Leta y’u Rwanda yashyizeho gahunda ya Made in Rwanda igamije kugabanya umubare w’ibitumizwa mu mahanga watumaga ubukungu bw’igihugu butazamuka uko bikwiye.

Imibare igaragaza ko u Rwanda rwinjije miliyoni $463.16 avuye mu bicuruzwa rwohereje hanze mu mezi atandatu ya mbere ya 2018, zivuye kuri miliyoni $375.91 mu gihe nk’iki mu mwaka ushize.

Minisitiri w’Ubucuruzi n’Inganda, Munyeshyaka Vincent, ataha uruganda ruteranyiriza moto mu Rwanda, RMC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza