Ikawa yinjirije u Rwanda amadovize miliyoni 59. 8 $ mu mezi 11 ya 2017

Yanditswe na Bukuru JC
Kuya 18 Mutarama 2018 saa 08:07
Yasuwe :
0 0

Ku isoko mpuzamahanga igiciro cy’ikawa cyabaye cyiza, byongera ingano y’amadovize u Rwanda rwasaruye mu ikawa rwohereje hanze mu mezi 11 y’umwaka wa 2017.

Raporo y’Iikigo cy’igihugu gishinzwe guteza imbere umusaruro w’ibikomoka ku buhinzi n’ubworozi byoherezwa mu mahanga (NAEB), yerekana ko nubwo ikawa u Rwanda rwohereje mu mahanga mu mezi 11 ya 2017 yagabanutse ugereranyije n’aya 2016, amadovize rwinjije yariyongereye.

U Rwanda rwinjije amadolari ya Amerika miliyoni 59.8 angana na miliyari 51.4 muri ayo mezi 11 ya 2017 mu gihe mu yo mu 2016 hari hinjiye miliyoni 53.8 $ zingana na miliyari 46.3 Frw ; bivuze ko amadovize yiyongereye ku kigero cya 11.1 %.

Nubwo hinjiye menshi ugereranyije n’umwaka wabanje, ikawa yoherejwe hanze yavuye ku bilo miliyoni 17.39 byoherejwe mu 2016, igera ku bilo miliyoni 17.2.

Mu mwaka ushize, ku isoko mpuzamahanga igiciro cya kawa cyari ku madolari 3.55 (3,053 Frw) mu gihe cyari ku 3.13 $ (abarirwa 2,692 Frw ) hagati ya Mutarama na Ugushyingo 2016.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza