Kwamamaza

Ibyo u Rwanda rwohereza mu bihugu bya EAC byiyongereyeho 25.7%

Yanditswe kuya 29-08-2016 saa 14:42' na Cyprien Niyomwungeri


Banki Nkuru y’u Rwanda (BNR), iratangaza ko mu mezi atandatu ya mbere ya 2016, ibicuruzwa u Rwanda rwohereza mu bihugu bigize Umuryango wa Afurika y’Iburasirazuba (EAC), byiyongereyeho 25.7%, ibyo rukurayo bigabanukaho 7.4%.

Mu nyandiko igaragaza uko ubukungu bw’u Rwanda bwari buhagaze mu mezi atandatu ya mbere ya 2016, bigaragara ko ibyoherejwe mu bihugu bya EAC muri ariya mezi bingana na 33.3% by’ibyoherejwe mu mahanga byose, ugereranyije na 22.5% byo mu mezi atandatu ya mbere ya 2015.

Agaciro k’ibyoherejwe muri EAC ni miliyoni 83.48 z’amadolari zivuye kuri miliyoni 66.4 z’amadolari mu mezi atandatu ya mbere ya 2015.

BNR igaragaza ko ibyo u Rwanda ruvana mu bihugu bya Afurika y’Iburasirazuba byagabanutseho 7.4% mu mezi atandatu ya mbere y’umwaka wa 2016, biva kuri miliyoni 201.2 z’amadolari byariho mu mezi nk’ayo ya 2015 bigera kuri miliyoni 186.3 z’amadolari.

Ukwiyongera kw’ibyo u Rwanda rwohereza mu bihugu bya EAC kwatewe ahanini n’ibicuruzwa rugura rukongera kubicuruza nk’ibikomoka kuri peteroli rwajyanye mu Burundi. Mu byo rwakuraga hanze byagabanutse harimo isima, amavuta yo guteka, isukari, imyambaro n’ibindi.

Ku rundi ruhande ariko BNR igaragaza ko ubucuruzi bwambukiranya imipaka butemewe n’amategeko (informal trade), bwiyongereye bukagera kuri miliyoni 66.2 z’amadolari buvuye kuri miliyoni 51.6 z’amadorali mu mezi atandatu ya mbere ya 2015.

Ahanini ubu bucuruzi bukorwa hagati y’u Rwanda na Repubulika Iharanira Demokarasi ya Congo (RDC), aho bukorwa ku kigero cya 65.8%. Ku ruhande rwa Uganda bukorwa ku kigero cya 26.9%, muri Tanzania bukorwa ku kigero cya 0.03% naho mu Burundi bugakorwa ku kigero cya 7.3%.

Icyabuzamuye ni ubucuruzi bw’ibikomoka ku buhinzi n’ubworozi ndetse na Telefoni ngendanwa zijyanwa muri Uganda.

Ibyo u Rwanda rukura hanze binyuze mu bucuruzi butemewe n’amategeko, byiyongereye ku kigero cya 39.5% bingana na miliyoni 14.8 z’amadolari zivuye kuri miliyoni 10.6 z’amadolari mu mezi atandatu ya mbere ya 2015.

Ibihugu byo mu karere bicuruzanya n’u Rwanda ku isonga haza Uganda ku kigero cya 58.6%, Burundi 32.1% na Repubulika Iharanira Demokarasi ya Congo ku kigero cya 6.9%.

Ibyo u Rwanda rwohereza mu mahanga byariyongereye

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 30 Ukwakira 2016
Copyright © 2009 -2014 - IGIHE Ltd - All Rights Reserved