Engen Rwanda yinjije abakiliya bayo mu minsi mikuru ibinyujije muri poromosiyo ya ‘Engen Extravaganza’

Yanditswe na Iradukunda Serge
Kuya 21 Ugushyingo 2019 saa 01:19
Yasuwe :
0 0

Ikigo gicuruza ibikomoka kuri peteroli, Engen Rwanda cyatangije Poromosiyo cyise ‘Engen Extravaganza’ igamije kurushaho kunezeza abakiliya bayo, kubinjiza mu bihe by’iminsi mikuru batsindira ibihembo bitandukanye.

Ni poromosiyo yatangijwe kuri uyu wa 20 Ugushyingo 2019, igamije guhemba abakiriya b’imena banywesha lisansi ndetse bakagana n’izindi serivise zitangwa kuri Engen.

Kugira ngo wemererwe guhabwa tike ikwinjiza muri tombola, umumotari agomba byibuze kunywesha lisansi itari hasi ya 5000 Frw, imodoka zisanzwe zisabwa gushyiramo lisansi itari hasi ya 30,000 Frw mu gihe amakamyo n’amabisi agomba kunywesha lisansi itari hasi ya 50,000 Frw.

Abazinjira muri iyi poromosiyo bafite amahirwe yo gutsindira ibihembo bitandukanye birimo moto, amakarita yo kunywesha lisansi ifite agaciro ka 500 000 ndetse n’imodoka nk’igihembo nyamukuru.

Umuntu uzatsindira imodoka bisaba ko mu gihe cy’ukwezi azaba yaranywesheje lisansi litiro 100.

Umuyobozi wa ENGEN mu Rwanda, Sarah Doukoure, yavuze ko Engen yari isanzwe igira iyi poromosiyo ya ‘Engen Extravaganza’ mu bindi bihugu ariko bakaba basanze ari byiza no kuyizanira abakiliya babo bo mu Rwanda.

Yagize ati “Engen Extravaganza ni ubwa mbere mu Rwanda, twayikoze mu bindi bihugu bigenda neza twumva ko ubu yaza no mu Rwanda kubera ko dukeneye kugira ibyo tugenera abakiliya bacu”.

‘Engen Extravaganza’ izamara amezi atatu guhera ku wa Gatatu tariki 20 Ugushyingo 2019 kugeza tariki 20 Gashyantare 2019 hagati ya saa moya za mu gitondo kugeza saa kumi n’imwe z’umugoroba buri munsi guhera ku wa Mbere kugeza ku Cyumweru.

Umwe mu bamaze kubona ikarita imwinjiza muri poromosiyo Ntawigira Saidi, yasabye n’abandi kwitabira kwinjira muri iyi poromosiyo kuko buri wese afite amahirwe yo gutsindira iyi modoka yo mu bwoko bwa Suzuki.

Engen Rwanda ni kimwe mu bigo biri ku isonga mu bucuruzi bwa lisansi n’ibikomoka kuri peteroli mu Rwanda, ikaba ifite sitasiyo za lisansi 23 zemewe zikorera mu mijyi itandukanye mu gihugu.

Izo sitasiyo zirimo; Poids Lourd, Ndera, Kimironko, Gitikinyoni, Kicukiro, Kanogo, Kacyiru, Nyabugogo, Gikondo, Freezone, Kabeza, Gitarama, Butare, Kamembe, Rubengera, Gisenyi, Rubavu, Byumba/Gicumbi, Karongi, Nyagatare, Ngoma, Musanze/Ruhengeri, Kayonza na Rwamagana.

Sarah Doukoure yavuze ko iyi poromosiyo ije guha Abanyarwanda amahirwe yo gutsindira ibihembo birimo moto n'imodoka
Ntawigira nyuma yo kubona agakarita kamwinjiza muri poromosiyo arashishikariza n'abandi kuyijyamo
Umuyobozi wa ENGEN mu Rwanda, Sarah Doukoure yavuze ko iyi poromosiyo ije nk'uburyo bwo kugira icyo bagenera abakiliya babo mu minsi mikuru
Ku munsi wa nyuma umunyamahirwe azegukana iyi Suzuki nk'igihembo nyamukuru

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza