Kwamamaza

Cogebanque yanyuzwe n’umusaruro yakuye muri Tour du Rwanda 2016

Yanditswe kuya 24-11-2016 saa 15:51' na IGIHE


Uretse igihembo cy’umukinnyi uzamuka imisozi kurusha abandi batanga no kuba mu baterankunga b’imena, muri Tour du Rwanda ya 2016 Cogebanque yari ifitemo ikipe itera inkunga, Les Amis Sportifs de Rwamagana.

Mujyambere Louis de Monfort, umuyobozi w’ubucuruzi muri Cogebanque avuga ko bagiye muri Tour du Rwanda bafite ikipe ya "Les Amis Sportifs de Rwamagana" batera inkunga, ku nshuro ya mbere yari igiye gukina iri siganwa mpuzamahanga, ikipe Ndayisenga Valens yakuriyemo.

Avuga ko igishimishije ari uko inkunga yabo izabyara umusaruro kuko havuye umukinnyi w’umuhanga watwaye Tour du Rwanda ebyiri bihesha ishema umuterankunga.

Yagize ati " Twishimiye uko bitwaye [Les Amis Sportifs] ku nshuro yabo ya mbere muri Tour du Rwanda bitwereka ko twakoze akazi gakomeye kuko twanateye inkunga Rwanda Cycling Cup ya 2016, amasiganwa yazamuye guhatana hagati y’amakipe y’Abanyarwanda."

Ngo iyo barebye urwego abakinnyi b’Abanyarwanda bariho babonamo uruhare rwa Cogebanque binyuze mu marushanwa batera inkunga (Tour du Rwanda na Rwanda Cycling Cup).

Mu makipe 15 yatangiye isiganwa 12 niyo yasoje, Les Amis Sportifs iba iya gatandatu imbere y’ibihugu nka Afurika y’Epfo na Algeria.

Areruya Joseph wa Les Amis Sportifs yambaye umwenda w’umuhondo bava i Kigali bajya i Karongi atwara n’igihembo cy’umunsi wa kane bava i Rusizi bajya i Huye.

Ndayisenga Valens wayirerewemo atwara Tour du Rwanda ku nshuro ya kabiri.

Yakomeje agira ati " Ni umwaka wa gatanu dutera inkunga Tour du Rwanda, muri iyo myaka inyungu igenda izamuka cyane biterwa n’uko Abanyarwanda bamaze kwiyumvamo Cogebanque, bayigirira icyizere kuko ifasha mu iterambere ry’igihugu, imikino n’imyidagaduro."

Cogebanque ni umuterankunga w’imena (Main Sponsor) w’isiganwa ry’amagare "Tour du Rwanda" aho batanga igihembo cy’umukinnyi uzamuka imisozi kurusha abandi cyatwawe na Mugisha Samuel ukinira Benediction Club y’i Rubavu, umukinnyi muto w’ iri siganwa. Ni ubwa mbere iki gihembo gitwawe n’Umunyarwanda kuva mu 2009.

Ku bijyanye no kumenyekanisha ibikorwa, Mujyambere avuga ko mu nzira baciyemo hari ubwitabire buhagije bw’abantu, ndetse n’aho isiganwa ryabaga ryasorejwe.

Yagize ati " Twishimiye ubwitabire bw’abantu ku mihanda n’aho twasorezaga, [Cogebanque] twari twiteguye kuko abaduhagarariye (Cogebanque Agents) bari aho twasorezaga bagafasha abantu gufunguza konti, kubitsa no kubikuza byaberaga mu ihema rya Cogebanque. Twifuzaga ko niba umuntu aje kwishimira amagare yakomeza na ‘business’ ye."

Mujyambere yaboneyeho umwanya wo gushishikariza abashaka gukorana na Cogebanque kubaha ibyangombwa kuko nyuma yo gutanga serivisi hari amafaranga umu agent abona kandi akabikora yakomeje n’ubucuruzi mu iduka rye.

Muri Tour du Rwanda, Cogebanque yari iherekejwe n’itsinda ry’abahanzi "Dream Boys" basurutsaga imbaga ari na ko batanga ubutumwa haba ku gukoresha ikarita zigezweho za MasterCard, ikoranabuhanga rya telefone zigendanwa Cogebanque Mobile Banking no koherezanya amafaranga Send Money ya Cogebanque.

Africa Philbert, Umuyobozi w'Inama y'Ubutegetsi ya Cogebanque ashimira Mugisha wari wegukanye igihembo cy'umukinnyi uzamuka kurusha abandi
Areruya Joseph ukinira Les Amis Sportifs de Rwamagana iterwa inkunga na Cogebanque
Dream Boys basusurukije abantu muri Tour du Rwanda
Mugisha Samuel mu mwambaro wa Cogebanque na Ndayisenga Valens wazamukiye muri Les Amis Sportifs
Mugisha Samuel wa Benediction Club yatangiye kwambara umwenda wa Cogebanque ku munsi wa kabiri wa Tour du Rwanda
Uwizeye Claude wa Les Amis Sportifs n'umutaka w'umuterankunga Cogebanque

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved