Kwamamaza

Bralirwa yashyize ku isoko ‘Huza’, inzoga ifite ikirango n’umwimerere w’u Rwanda

Yanditswe kuya 18-11-2016 saa 14:32' na Mukaneza M.Ange


Uruganda rwenga ibinyobwa bisembuye n’ibidasembuye mu Rwanda, Bralirwa yashyize ku isoko inzoga nshya yitwa ‘Huza’ irangwa n’umwihariko wo kuba ifite ikirango cy’amabara y’ibendera ry’u Rwanda ndetse kandi ikaba ikozwe mu bihingwa byera mu gihugu.

‘Huza’ yamuritswe kumugaragaro kuri uyu wa 18 Ugushyingo 2016, isembuye ku kigero cya 4.8%; yatangiye kugera ku isoko ku itariki 9 Ugushyingo.

Mu kuyimurika, Umuyobozi ushinzwe kwamamaza ibicuruzwa bya Bralirwa imbere mu gihugu, Benjamin Havugimana, yavuze ko iyi nzoga bayikoza nyuma yo kumva ibyifuzo by’abakiliya bifuza inzoga ibafasha kuruhuka kandi ntibasigarane amavunane (hangover).

At “Ni inzoga bakeneye ariko itagira icyo ihungabanye ku buzima bwabo cyangwa ku mikorere yabo ndetse n’imibanire yabo n’inshuti n’imiryango.”

Havugimana yakomeje avuga ko uretse kuba ifite umusemburo uri mu kigero giciriritse, byinshi mu biyigize ari ibihingwa biboneka mu Rwanda.

Umuyobozi ushinzwe kumenyekanisha ‘Huza’, Yvette Ntagozera, we yavuze ko iyi ari inzoga nshya idafitanye isano n’izindi nzoga zisanzwe zikorwa na Bralirwa.

Yagize at “Abantu batandukanye, banywa ibintu bitandukanye mu bihe bitandukanye. Niba wagize umunsi ugoye, ukeneye kunywa ikintu gituma uruhuka, gituma ubasha kujya ku kazi umunsi ukurikiye, uzahitamo Huza.”

‘Huza’ iri mu icupa rya Cl 50 ikaba igura amafaranga y’u Rwanda 500.

‘Huza’ yamuritswe ku mugaragaro kuri uyu wa 18 Ugushyingo 2016
‘Huza’ iri mu icupa rya Cl 50 igura amafaranga y’u Rwanda 500
Ibirango byayo biri mu mabara y'ibendera ry'u Rwanda
Isembuye ku kigero cya 4.8%

Amafoto: Mahoro Luqman


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved