Kwamamaza

BPR yegukanye igihembo cyo kwita ku bakiliya muri Expo 2016

Yanditswe kuya 12-08-2016 saa 20:31' na Mukaneza M.Ange


Nyuma yo kwitabira imurikagurisha mpuzamahanga ku nshuro ya 19, Banki y’abaturage y’u Rwanda, BPR yishimiye guhabwa igihembo nk’ikigo cyamuritse kigahiga ibindi mu kwakira neza abakiliya.

Iki gihembo BPR yagihawe ku itariki ya 11 Kanama 2016, mu muhango wo gusoza imurikagurisha ryari rimaze iminsi igera kuri 13.

Nyuma yo kwakira iki gihembo, Umuyobozi ushinzwe ubucuruzi muri BPR, Eric Rutabana yavuze ko kije gushimangira intego bihaye yo kurushaho kwita ku bakiliya bashya n’abasanzwe.

Ati” BPR mu minsi ishize yabonye abashoramari bashya bitwa Atlas Mara. Kandi mu byo tugamije icya mbere ni ukugira ngo turusheho kwita ku bakiliya bacu. Byadushimishije kandi byongeye ingufu mu mugambi wo kwita ku bakiliya kugira ngo tube banki ya mbere mu gihugu.”

Yakomeje avuga ko bataje muri Expo baje kurushanwa n’abandi ko ahubwo intego kwari ugutanga serivisi neza no gusobanurira ababagana, bityo iki kikaba ari ikimenyetso cy’uko abandi bashimye ibyo bakoze.

Muri iri murikagurisha BPR yamuritse porogaramu ya telefone (bpr mobile application) izajya ifasha abakoresha telefone zigezweho kubona serivisi zitandukanye zirimo no kumenya aho ibyuma bya ATM biherereye igihe umuntu ari mu gace adasanzwe azi.

Rutabana yavuze ko ikoranabuhanga ari kimwe mu byo bateganya kwitaho cyane kugira ngo n’abari aho batabasha kugera ku ishami rya BPR babashe kubona serivisi zitandukanye.

Ati”Serivisi dushaka kwitaho cyane ni ikoranabuhanga kugira ngo serivisi zacu zishobore kunogera bose kandi zishobore gukorwa ku buryo bunoze kandi bwihuse”

Uko BPR mobile application ikoreshwa

Kugira ngo umuntu akoreshe iyi porogaramu bisaba ko aba afite telefone igezweho(smart phone), akajya ahanditse application store; iyo amaze kuyibona arayimanura (download) akayishyira muri telefone ye (installation).

Ibyo iyo birangiye akanda ahanditse ‘Start Banking’, ubundi akagenda akurikiza amabwiriza kugeza ageze ku cyo ashaka.

Serivisi umuntu ahabwa akoresheje iyi porogaramu

Iyo ukoresheje iyi porogaramu ubasha kohereza amafaranga haba ku bafite konti muri BPR cyangwa ahandi.Ubasha kumenya aho ibyuma bya ATM biherereye igihe uri mu gace utari usanzwe umenyereye kandi ukeneye amafaranga.

Iyi porogaramu yashyizwe ahagaragara kandi ifite uburyo bwerekana uko isoko ry’ivunjisha rihagaze utiriwe ujya ku biro by’ivunjisha (Forex Bureau) n’izindi serivisi nyinshi zitandukanye.

Ubuyobozi bwa Banki y’Abaturage buvuga ko iyi banki yahinduye isura n’imikorere kuva yagurwa na Atlas Mara,sositeye ifite amabanki arindwi muri Afurika. Imari shingiro ya BPR yariyongereye iva kuri miliyari 15 igera kuri miliyari 43 z’amafaranga y’u Rwanda.

Atlas Mara, ni sosiyete y’imari n’amabanki yashingiwe i Londres mu Bwongereza mu mpera z’umwaka wa 2013. Iyi sosiyete ifite intego yo kubaka ikigo cy’amabanki gikomeye muri Afurika yo munsi y’ubutayu bwa Sahara.

Abaturutse muri Kenya bashyikirizwa igihembo cyabo n'Umuyobozi wa RDB, Fancis Gatare
Akanyamuneza kari kose abayobozi ba I&M Bank bashyikirizwa igihembo
Eric Rutabana ushinzwe ubucuruzi muri BPR ashyikirizwa igihembo na Francis Gatare
KCB Bank ishyikirizwa igihembo cyayo n'umuyobozi wa PSF, Benjamin Gasamagera
Umuvugizi wa Minisante, Malic ashyikirizwa igihembo cya RBC
Umuyobozi wa DY Solutions, Serge Rusagara ashyikirizwa igihembo
Minisitiri w'Ubucuruzi n'Inganda, François Kanimba
Umuyobozi mukuru w’Urugaga rw’abikorera mu Rwanda, Gasamagera Benjamin
Abakozi ba BPR bishimira igihembo bahawe

Amafoto:Luqman Mahoro
[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 28 Nzeri 2016
Copyright © 2009 -2014 - IGIHE Ltd - All Rights Reserved