Banki y’Abaturage yavuze ibyayifashije kwegukana igihembo cyo kwakira neza abayigana muri Expo 2018

Yanditswe na Evariste Nsengimana
Kuya 16 Kanama 2018 saa 10:44
Yasuwe :
0 0

Banki y’Abaturage y’u Rwanda (BPR Atlas Mara), yegukanye igihembo cy’uko yahize abamurika bose bitabiriye Imurikagurisha Mpuzamahanga (Expo 2018), mu cyiciro cyo kwakira neza abayigana.

Iki gihembo yagishyikirijwe n’Urugaga rw’abikorera mu Rwanda (PSF) ku mugoroba wo kuwa Kabiri w’iki cyumweru, ubwo rwahembaga abacuruzi n’ibigo by’ubucuruzi byitwaye neza mu Imurikagurisha Mpuzamahanga rya 21, ryaraye risojwe.

Umuyobozi ushinzwe imenyakanishabikorwa n’itumabaho muri BPR Atlas Mara, Kalisa Prossie, yabwiye IGIHE ko icyo gihembo cyabashimishije kandi ko kigiye kubongerera imbaraga zo kurushaho gukora cyane baha serivisi nziza ababagana.

Yasobanuye ko mu byatumye bahiga abamurika mu kwakira neza abitabiriye imurikagurisha harimo ikoranabuhanga bashyize imbere no kwita kuri buri mukiliya afite.

Ati “Mu byo dushyize imbere, ni uko dushaka ko Banki y’Abaturage iha serivisi nziza abayigana. Muri iki gihe cya Expo icyo twakoraga, ni ukugira ngo serivisi yose umukiliya aje abaza, tuyimugezaho kandi byihuse.”

Yatanze urugero ko ubusanzwe umukiliya wabaga ashaka ikarita yo kubikuza bya ATM yamaraga ibyumweru bibiri ariko ubu bakoze uko bashoboye mu cyumweru kimwe akaba ayibonye ndetse ko n’uwazaga atayifite cyangwa ifite ikibazo yafashwaga kubona serivisi yifuza.

Ati “Akarusho twari dufite hano ni serivisi zijyanye n’ikoranabuhanga. Abakiliya benshi ntabwo bakwiye kuza hano muri Expo cyangwa kuva mu ngo zabo baje kubitsa cyangwa kubikuza amafaranga cyangwa bashaka indi serivisi yo muri banki. Twakoraga uko dushoboye buri mukiliya ufite konti muri Banki y’Abaturage agafashwa gutunga ikoranabuhanga rya telefoni ‘Mobile Banking’.”

Ubu ni uburyo bufasha umukiliya gukora serivisi za banki yifashishije telefoni ye kandi ariwe ubyikorera atanarinze kujya kuri banki. Uretse iyo serivisi y’ikoranabuhanga hari n’indi izwi nka ‘Internet Banking’, ifasha abagana iyi banki kubona serivisi zayo bakoresheje ikoranabuhanga, bakanabifashwamo n’icyuma kigezweho Banki y’Abaturage yari yajyanye muri Expo 2018.

Kamanzi Charles, umukiliya ba Banki y’Abaturage, yabwiye IGIHE ko icyo gihembo yagihaye igikwiriye kuko yatanze serivisi nziza.

Ati “Ikora neza mu buryo bugezweho. Akarusho, isanzwe ifite amashami menshi hanyuma ikajya mu buryo bw’ikoranabuhanga. Ni ikigaragaza ko ari ikintu cyiza ku baturage. Bafite serivisi umuntu yisangamo, si banki zimwe z’abambaye amakoti. Ubona batanga serivisi mu buryo buciriritse batagoranye, banavuguruye abakozi mu mitwe. Nanjye nari kuyiha igihembo.”

Ubuyobozi bwa Banki y’Abaturage, buvuga ko gutanga serivisi nziza ari ikintu bwashyize imbere ndetse ko bugiye kurushaho kuzinoza kugira ngo abayigana barusheho kunyurwa.

Abakozi ba BPR bishimiye igikombe bahawe
Abadafite amakarita yo kubikuza bafashwaga kubona amafaranga
Abakozi ba BPR bari muri Expo bari bacye ariko batanga serivisi nziza
Umukiliya arasobanurirwa uko icyuma gifasha abakiliya gikora
Umukiliya ugana BPR afashwa mu buryo bushoboka bwose
Umuyobozi ushinzwe ibikorwa muri BPR, Afrique Ramba, ashyikirizwa na Minisitiri w'ubucuruzi n'inganda, Vincent Munyeshyaka, igihembo iyi banki yahawe
Umuyobozi ushinzwe imenyakanishabikorwa n’itumabaho muri BPR Atlas Mara, Kalisa Prossie,
Umwe mu bakiliya ba Banki y’Abaturage witwa Kamanzi Charles, yabwiye IGIHE ko icyo gihembo yagihawe igikwiriye kuko yatanze serivisi nziza.
Banki y'abaturage yimakaje ikoranabuhanga
BPR yahawe igihembo mu kwakira neza abayigana

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza