Akagera Business Group yazanye Xploza, ikinyobwa gitera imbaraga kikanaruhura ubwonko

Yanditswe na IGIHE
Kuya 23 Ugushyingo 2019 saa 12:18
Yasuwe :
0 0

Ikigo kizana kikanagurisha ibicuruzwa bitandukanye mu Rwanda, Akagera Business Group, cyazanye ikinyobwa gitera imbaraga cya Xploza ku isoko ry’u Rwanda.

Umuhango wo kumurika iki kinyobwa ku mugaragaro wabaye kuwa Gatanu, tariki ya 22 Ugushyingo 2019, witabirwa n’abacuruzi batandukanye basanzwe n’ubundi bacuruza ibinyobwa mu Rwanda.

Xploza ni ikinyobwa gikorerwa muri Pologne n’uruganda rwa Promasidor, kikaba gikungahaye kuri Caffeine ifasha gukangura ibice bitandukanye by’umubiri n’ubwonko, ikaba kandi inifitemo Vitamin B.

Umuyobozi ushinzwe ibikorwa mu Akagera Business Group, Muneza Salim Nesta, avuga ko Xploza ari ikinyobwa gitandukanye n’ibindi bitera imbaraga bigaragara ku isoko ryo mu Rwanda, kuko cyo kiri ku rwego rw’u Burayi ndetse n’ubuziranenge bwayo budashidikanywaho.

Yagize ati “Xploza ahantu itandukaniye n’ibindi binyobwa bitera imbaraga bigaragara mu Rwanda, ni uko ubuziranenge bwayo bwizewe kuko ari ikinyobwa kiri ku rwego rw’i Burayi. Nk’abanyarwanda twabahamagarira kuyigura cyane kuko ubuziranenge bwayo bwizewe.”

Muneza yongeyeho ko Xploza ari ikinyobwa kigabanya umunaniro bityo abantu bakora amasaha y’ikirenga cyangwa akazi gasaba imbaraga bakwiye kunywa iki kinyobwa. Ikindi ni uko Xploza ifasha umuntu gutekereza neza ndetse n’abantu bakora siporo zitandukanye bakwiriye kukinywa.

Umuntu ashobora byibuze kunywa uducupa twa Xploza tubiri ku munsi, gusa abagore batwite n’abana bari munsi y’imyaka 18 bo ntibemerewe kuyinywa.

Xploza imaze ukwezi igeze mu Rwanda, ikaba ubu igaragara mu bihugu 18 byo ku mugabane wa Afurika.

Abacuruzi basanzwe bacuruza ibinyobwa bitandukanye bashimye Xploza
Abacuruzi batandukanye bagiye babaza ibyo badasobanukiwe kuri Xploza
Abitabiriye umuhango wo kumurika Xploza ku mugaragaro basobanuriwe byinshi
Akanyamuneza kari kose
Bamwe bari bafitiye amatsiko menshi iki kinyobwa gishya ku isoko ry'u Rwanda
Bamwe mu bahagarariye ikinyobwa cya Xploza mu Rwanda
Bench Kajyambere uhagarariye uruganda rwenga Xploza Promasidor mu Karere k'ibiyaga Bigari
Ibiciro bya Xploza ni bito cyane ugereranyije n urwego iriho
Itsinda rigari rishinzwe kugeza Xploza ku muntu uyishaka wese byihuse
Ku bantu bakora siporo Xploza ni ingenzi cyane
Muneza Nesta ahamya ko Xploza ari ikinyobwa kiri ku ruhando mpuzamahanga
Ni ikinyobwa kandi gifasha uwakinyoye gutekereza neza
Ni ikinyobwa kiruhura mu bwonko
Umuntu yemerewe byibuze kunywa uducupa tubiri twa Xploza ku munsi
Urubyiruko narwo nti rwatanzwe kuganura Xploza
Xploza ipfunyitse mu buryo bwa gihanga
Xploza ni ikinyobwa cyazanywe na Akagera Business Group
Xploza ni ikinyobwa gifasha uwakinyoye kugira imbaraga
Xploza ni ikinyobwa gikangura ibice by'umubiri byari byarasinziriye
Xploza ubu iri mu bihugu 18 muri Afurika
Xploza yengerwa muri Pologne
Xploza yifitemo Vitamin B na Caffeine

Amafoto: Dushimimana Ami Pacifique


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza