Ubukorikori ni kimwe mu bintu bituma abantu batiyandarika

Yanditswe na Olivier Muhirwa
Kuya 28 Nyakanga 2012 saa 10:50
Yasuwe :
0 0

‘’Nta kintu cyiza nko gukora ubukorikori. Ibi bituma umubyeyi abasha kwiteza imbere, abana bakiga amashuri, bityo ntihagire uwiyandarika nkuko bigaragara mu babyeyi bamwe babanebwe’’.
Ibyo ni ibitangazwa na Mukamusoni Antoinette, Perezida wa Koperative y’ubukorikori mu Rwanda COPARWA ( Coopérative de Production d’Artisanat d’Art du Rwanda) ikorera mu Karere ka Muhanga mu Ntara y’amajyepfo, mu kiganiro yagiranye na IGIHE.com kuwa Kane, tariki ya 27 Nyakanga 2012, ubwo twasuraga aha iyo koperative (...)

‘’Nta kintu cyiza nko gukora ubukorikori. Ibi bituma umubyeyi abasha kwiteza imbere, abana bakiga amashuri, bityo ntihagire uwiyandarika nkuko bigaragara mu babyeyi bamwe babanebwe’’.

Ibyo ni ibitangazwa na Mukamusoni Antoinette, Perezida wa Koperative y’ubukorikori mu Rwanda COPARWA ( Coopérative de Production d’Artisanat d’Art du Rwanda) ikorera mu Karere ka Muhanga mu Ntara y’amajyepfo, mu kiganiro yagiranye na IGIHE.com kuwa Kane, tariki ya 27 Nyakanga 2012, ubwo twasuraga aha iyo koperative ikora imurikagurisha ry’ibikorwa byayo i Gikondo, mu mujyi wa Kigali.

Mukamusoni Antoinette avuga ko kubera kubura amafaranga, ababyeyi bamwe na bamwe bishora mu ngeso mbi kenshi zibaviramo ingaruka mbi. Uburere ku bana babo bukaba ingume. Urwo ruherekane rw’ingeso mbi rukokama umuryango wose.

Akomeza avuga ko ibi aribyo byatumye abagore bo mu Karere ka Muhanga bishyira hamwe bihangira umurimo wo gukora ubukorikori.

Mukamusoni Antoinette, avuga ko ibikorwa bakora babitoza n’abana babo kugirango ibihangano byabo bitazasibangana, agira ati ‘’Dutoza abana bakiri bato kugirango igihe tuzaba tutakiriho, ibihangano by’Abanyarwanda bitazasibangana. Ibyo kandi bijyanye no gufasha abana gukunda umurimo no kwiteza imbere bategura ejo heza hazaza cyane cyane ko aribo mbaraga z’igihugu cyacu’’.

Koperative COPARWA ikora ibikorwa bitandukanye birimo uduseke, amasiniya, amaherena, ibikomo, n’ibindi byose bikorwa mu birere no mu migegwe.

Iyi Koperative ibasha kugemura ibihangano byabo mu mahanga.
Ikibazo iyi Koperative ihura nacyo, nkuko twabitangarijwe na Mukamusoni, ni icyo kutabona amasaro kuko ava hanze y’Igihugu akaza ahenze. Ubwo twasuraga aho iyi Koperative ikorera imurikagurisha, icyo twabashije kubona ni uko Abanyamahanga aribo kenshi bakunda kugura ibihangano byayo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza