Kwamamaza

RwandAir ishobora gutangira ingendo zerekeza muri Amerika mu 2019

Yanditswe kuya 7-11-2016 saa 09:28' na IGIHE


Sosiyete Nyarwanda ikora ibijyanye n’ubwikorezi bwo mu kirere, RwandAir, ishobora gutangira gukorera ingendo muri Leta Zunze Ubumwe za Amerika (USA) mu mwaka wa 2019.

Nkuko Umuyobozi Mukuru wa RwandAir, John Mirenge, yabitangaje, ngo nibigenda neza nkuko babitegura iyi sosiyete izatangira gukorera ingendo muri Amerika yerekeza i New York.

Muri gahunda yayo yo guhuza Kigali n’ibindi byerekezo byo ku Isi, RwandAir iherutse gutangaza ko umwaka utaha izatangira gukora ingendo zerekeza ku kibuga cya Gatwick [ni icya kabiri mu bikoreshwa cyane mu Mujyi wa Londres].

Mirenge akomeza avuga ko bazagura indi ndege nini yo mu bwoko bwa Airbus A350XWB izakoreshwa mu ngendo za Kigali-USA. Iyi ndege igezweho kuko ikoresha amavuta make kandi atangiza ikirere ndetse ikaba ihuje n’ibyifuzo by’abagenzi. Itwara abagenzi hagati ya 280 na 366.

Ikoresha amavuta make ho 25% ugereranyije n’izindi biri mu rwego rumwe, igatanga ubwisanzure ku bagenzi. Ishobora kuguruka amasaha 19. Mirenge avuga ko RwandAir na Airbus bakirimo kuganira.

RwandAir iherutse kugura indege ya Airbus A330 -200 na ngenzi yayo A330 -300 [itaragera mu Rwanda], kugira ngo ziyifashe mu ngendo ndende ishaka gutangira ku mugabane w’u Burayi no mu Burasirazuba bwo hagati.

RwandAir kandi iritegura gutangira ingendo mu bice bitandukanye birimo Mumbai mu Buhinde, Guinee Conakry , Bamako muri Mali, Dakar muri Senegal, Harare muri Zimbabwe, Lilongwe muri Malawi na Durban muri Afurika y’Epfo.

Mu kwezi gushize RwandAir yatangije ingendo i Cotonou muri Benin na Abidjan muri Côte d’Ivoire. Ubusanzwe yakoreraga ingendo mu byerekezo 19 birimo; Nairobi, Entebbe, Mombasa, Bujumbura, Lusaka, Juba, Douala, Dar es Salaam, Kilimanjaro, Cotonou, Johannesburg, Dubai, Lagos, Libreville na Brazzaville.

RwandAir ishobora gutangira ingendo zerekeza muri Amerika mu 2019

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved