Kwamamaza

RGB yasabye JADF z’uturere kugirana ubufatanye mu iterambere ryatwo

Yanditswe kuya 25-11-2016 saa 19:27' na Jean Pierre Tuyisenge


Ikigo cy’Igihugu cy’Imiyoborere,RGB, cyasabye Ihuriro ry’abafatanyabikorwa mu iterambere ry’uturere (JADF) gusangira udushya tuba twaragezweho hamwe na hamwe, ku buryo byorohera abaterankunga kutibanda mu karere kamwe bakareka utundi.

RGB ivuga ko byagaragaye ko usanga mu turere tumwe na tumwe hari ibintu bitandukanye byakozwe, ugasanga bikurura abafatanyabikorwa baza kunganira mu iterambere ry’akarere nyamara wagera mu kandi ugasanga hari bake.

Mu nama yahuje RGB n’ Ihuriro ry’abafatanyabikorwa mu iterambere ry’uturere (JADF) kuva ku wa 24 kugeza ku wa 25 Ugushyingo, Umuyobozi Mukuru wa RGB, Prof Shyaka Anastase, yasabye uturere gusangira udushya kugira ngo imbaduko y’iterambere izamukire rimwe mu gihugu hose.

Yagize ati “Hari uturere turi hirya no hino mu gihugu tumaze kugaragaza ko dufite udushya, ibyo byiza tubisangize abandi ku buryo mu minsi iri imbere JADF z’uturere twose zizaba zikora kimwe kandi zifite uburyo bw’imikorere buri hejuru. Kuki mu karere runaka usanga abafatanyabikorwa bishimira gukorera muri aka karere? Ni iki gihari ku buryo kitashyirwa n’ahandi? Ngira ngo abantu bagakwiye gusangira utwo dushya.”

Prof. Shyaka yanaboneyeho gusaba abatanyabikorwa bagira uruhare mu iterambere ry’uturere kujya bazana gahunda zigamije kuzamura imibereho n’iterambere ry’umuturage.

Uko gusangira udushya k’uturere dutandukanye, bishobora kugira icyo bimarira uturere nkuko Umuyobozi wungirije ushinzwe ubukungu mu karere ka Nyaruguru, kavugwaho kuba 20% y’ibikorwa by’iterambere kagezeho byaragizwemo uruhare n’atafanyabikorwa, yasangije abandi uburyo bakorana na bo mu kubateza imbere.

Rusizi Antoine yagize ati “ Turabanza tukicara, tukereka abafatanyabikorwa bacu ahari ikibazo maze bakatubwira icyo bazadufasha, twe tugenda dushyira abaterankunga mu matsinda bitewe n’ibyo bakora maze bakamenyana, niba ari abatera inkunga mu by’ubuzima bose tukabashyira hamwe.”

Muri iyo nama yari igamije kureba icyakorwa ku buryo hahuzwa ibikorwa n’abafatanyabikorwa hagamijwe iterambere, RGB yavuze ko icyatuma iterambere rirushaho kugerwaho ari uko ababifitemo uruhare bose bakwiye kwicara bakaganira ndetse bagahana n’amakuru ku gihe n’umufatanyabikorwa akakirwa neza uko bikwiye.

Umuyobozi Mukuru wa RGB, Prof. Shyaka Anastase
Umuhuzabikorwa wa JADF ku rwego rw'Igihugu Munyandamutsa Jean Paul
Bamwe mu bitabiriye inama yahuje RGB n’Ihuriro ry’abafatanyabikorwa mu iterambere ry’uturere (JADF)

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved