Kwamamaza

Hagiye gutangira kubarura abahombeye mu bigo by’imari iciriritse byafunzwe

Yanditswe kuya 10-11-2016 saa 04:59' na Philbert Hagengimana


Nyuma y’aho Leta ifashe icyemezo cyo kwishyura abaturage bahombeye mu bigo by’imari iciriritse bigafungwa, hagiye gutangira igikorwa cyo kubarura abishyuwe igice kimwe n’abatarishyuwe na make ngo basubizwe amafaranga yabo.

Mu 2006 hafunzwe bimwe mu bigo by’imari iciriritse byagaragaweho imicungire mibi yanatumye bihomba, nyuma y’icyo gihe na bwo ibindi bigo bimwe byarahombye, kandi byose bijyana amafaranga y’abaturage bari barabibikije n’ubwo hari n’abari babibereyemo umwenda ukomoka ku nguzanyo.

Muri Kanama uyu mwaka, Guverineri wa Banki Nkuru y’igihugu, John Rwangombwa, yatangaje ko guverinoma y’u Rwanda yiyemeje kwishyura 75% by’ubwizigame abanyarwanda batandukanye bari barashyize muri ibyo bigo by’imari iciriritse.

Nk’uko bigaragara mu Itangazo ryashyizwe ahagaragara, Banki Nkuru y’u Rwanda yavuze ko ibigo byahombye mu 2006, abari barabibikijemo amafaranga bishyuwe 50%.

Muri iryo tangazo, ni na ho BNR yatangaje ko guhera kuwa 14 Ugushyingo uyu mwaka kugeza kuwa 25 Ugushyingo, hazaba igikorwa cyo kubarura abagomba kwishyurwa, aho abari barabikije mu bigo by’imari byafunzwe mu 2006 bazahabwa igice gisigaye kingana na 25%, naho ababikije mu bigo byahombye nyuma bo bakazahabwa ayo 75%.

Ubwo yatangazaga uko ubukungu bw’igihugu buhagaze muri Kanama uyu mwaka, Rwangombwa yavuze ko amafaranga azishyurwa aba bantu yamaze gushyirwa mu ngengo y’imari y’uyu mwaka wa 2016/2017 kandi ba nyirayo bazishyurwa bitarenze amezi abiri ari imbere.

BNR yateganyije aho kwibaruriza

Mu Mujyi wa Kigali, abagomba kwishyurwa bazajya babarurirwa ku Ishuri ribanza rya Muhima, irya Kimironko II, Urwunge rw’Amashuri rwa Nyanza mu Murenge wa Gatenga ho mu Karere ka Kicukiro.

Abo mu Karere ka Gicumbi bazibaruriza mu ishuri ribanza rya Gacurabwenge, i Musanze babarurirwe mu ishuri ribanza rya Nyamagumba, i Muhanga ni mu Ishuri ribanza ryitiriwe Mutagatifu Ndereya (E.P Saint André); i Rubavu ni muri Stella Maris, i Huye babarurirwe muri APEF.

Ab’i Karongi bo bazabarurirwa mu ishuri ribanza rya Gatwaro, i Rwamagana babarurirwe mu Ishuri ribanza ry’Abayisilamu, i Nyagatare bo ni mu Ishuri ribanza ryitiriwe Mutagatifu Leonard (Ecole Primaire St. Leonard), mu gihe i Rusizi ho icyo gikorwa kizajya kibera mu Ishuri ribanza ry’Abadivantisiti rya Kamembe.

Icyicaro gikuru cya Banki Nkuru y'u Rwanda

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved