Kwamamaza

Abakabakaba miliyoni icyenda bakoresha telefone ngendanwa mu Rwanda

Yanditswe kuya 23-07-2016 saa 15:10' na Ntakirutimana Deus


Ubuzima butagira telefoni muri iyi minsi hari ababigereranya nk’ubw’ifi yavuye mu mazi kuko kuri benshi iki gikoresho ni byose, niyo ibaha ifunguro rya buri munsi, niyo ibashoboza kurihira abana amashuri, niyo yatumye babona abagore cyangwa abagabo.

Byatangiye bisa n’aho igenewe abakire gusa cyangwa abagendana n’ibigezweho, nyamara kuri ubu bigaragara ko nta rwego na rumwe rw’abantu batayikenera.

Kubera akamaro ka telefoni mu mibereho y’Abanyarwanda, ubu abazitunze bakabakaba hafi miliyoni icyenda.

Abazitunze bavuye kuri miliyoni umunani n’ibihumbi bisaga 820 muri Gicurasi bagera kuri miliyoni umunani n’ibihumbi 932 muri Kamena.

Uwo mubare wongerewe n’ibikorwa bya sosiyete z’itumanaho mu Rwanda bigamije kongera abafatabuguzi.

Uwo mubare wagiye wiyongera uko amezi ashira kuva muri Mutarama uyu mwaka aho abari bafite telefoni bari miliyoni umunani n’ibihumbi bisaga 787.

Ikigo cy’igihugu gishinzwe imirimo imwe n’imwe ifitiye igihugu akamaro(RURA), cyatangaje ko umubare w’abantu bakoresha telefoni mu Rwanda wiyongereye ku kigero cya 1.3% mu mezi ashize.

Sosiyete ya Airtel Rwanda niyo yungutse abantu bashya benshi bagera ku 115,350 bigatuma igira abafatabuguzi basaga miliyoni n’ibihumbi 830 muri Kamena bavuye kuri miliyoni n’ibihumbi 780 yari ifite muri Gicurasi 2016.

Tigo yungutse 41,522, igira abafatabuguzi basaga miliyoni n’ibihumbi 110, bavuye kuri miliyoni eshatu n’ibihumbi 69 muri Gicurasi.

MTN ifite abafatabuguzi benshi mu Rwanda yungutse abasaga 22,245. Iyo sosiyete ifite abafatabuguzi bagera kuri miliyoni eshatu n’ibihumbi 988 mu gihe muri Gicurasi uyu mwaka yari ifite abagera kuri miliyoni eshatu n’ibihumbi 966.

Muri rusange amasosiyete yose yungutse abafatabuguzi bahabwa amafaranga bakishyura nyuma muri Gicurasi bari 90,328 muri Kamena bagera ku 104,185.

Abagura amafaranga yo gukoresha muri telefoni zabo mbere bavuye kuri miliyoni 8.73 bagera kuri 8.83 muri Kamena.

Sunny Ntayombya, umukozi ushinzwe ibikorwa by’itumanaho muri Tigo yatangarije The New Times ko umubare munini w’abatunze telefoni wiyongereye bitewe n’imbaraga sosiyete z’itumanaho zashyize mu kongera abafatabuguzi bazo.

Yatanze urugero ko bitewe n’ibihe, abanyeshuri ari bamwe mu batuma abafatabuguzi biyongera ndetse n’abashyitsi bagana u Rwanda mu bikorwa by’ubukerarugendo n’inama.

Teta Mpyisi Umuyobozi Mukuru Ushinzwe imenyekanishabikorwa muri MTN Rwanda yavuze ko iyo sosiyete igenda itangiza ibikorwa bya poromosiyo bitandukanye bigamije kongera abafatanyabikorwa birimo nka Yolo’ igenewe urubyiruko na Damarara.

Izo sosiyete kandi zifite n’ibindi bikorwa bitandukanye bigamije gukurura abafatabuguzi binakomeje kubongera umunsi ku wundi.

Abakoresha telefone ngendanwa bariyongereye cyane

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved