Kwamamaza

U Rwanda rweretse u Bushinwa amahirwe y’ishoramari rufite

Yanditswe kuya 18-08-2016 saa 11:58' na Cyprien Niyomwungeri


U Rwanda rweretse abashoramari b’Abashinwa amahirwe menshi y’ishoramari rufite yaba mu ikoranabuhanga, inganda, ubukerarugendo, ubuzima, uburezi, ubwikorezi, serivisi z’imari n’iz’itumanaho.

Mu ihuriro ry’abashoramari b’ibihugu byombi ryabaye mu mpera z’icyumweru gishize, Ambasaderi w’u Rwanda mu Bushinwa, Lt.Gen. Charles Kayonga, yagaragaje ko igihugu kiri ahantu heza habereye kwakira inama kandi no kuba ruri mu miryango irimo uw’Ibihugu by’Iburasirazuba, EAC, COMESA na SADC, nabyo byongera amahirwe.

Ambasaderi Kayonga yavuze ko ubufatanye u Bushinwa bwiyemeje kugirana na Afurika buzongera ubucuruzi hagati y’ibihugu byombi mu myaka itatu iri imbere. Iyi porogaramu y’ubufatanye yatangarijwe i Johannesburg muri Afurika y’Epfo mu nama yigaga ku bufatanye bw’u Bushinwa na Afurika, China-Africa Cooperation (FOCAC), mu Ukuboza 2015.

Ikindi kizongera inyungu ni ugutangira ingendo kwa sosiyete Nyarwanda itwara abantu n’ibintu mu ndege, RwandAir, zerekeza i Guangzhou.

U Rwanda rurateganya kubona nibura miliyoni 100 ziturutse ku musaruro w’intare kandi abakerarugendo baturutse mu Bushinwa bazabigiramo uruhare.

Umuyobozi wungirije ushinzwe ubufatanye mu bukungu muri Komisiyo y’ubucuruzi ya Shanghai, Liu Beimin, yavuze ko umubano w’ibihugu byombi uzongera ubucuruzi bigirana.

Yin Bangqi uyobora ikigo cy’iterambere ry’ubumenyi n’ikoranabuhanga muri Shanghai, yavuze ko ikoranabuhanga ari umuyoboro w’ishoramari ryose kandi ibihugu byombi birimo gukorana kugirango biteze imbere ibikorwa remezo by’ikoranabuhanga.

Abashinwa bakorera ubucuruzi bwabo mu Rwanda bemeza ko mu Karere ka Afurika y’Uburasirazuba, u Rwanda ari urwa mbere mu korohereza abashoramari. U Rwanda rwohereza mu Bushinwa ibicuruzwa nk’ikawa, icyayi n’ubukorikori.

Abashoramari bo mu Bushinwa babwiwe amahirwe ari mu Rwanda
U Rwanda rwerekanye amahirwe arwihishemo mu bijyanye n'ishoramari

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 30 Nzeri 2016
Copyright © 2009 -2014 - IGIHE Ltd - All Rights Reserved