Kwamamaza

RwandAir igiye gutangiza ingendo muri Benin na Côte d’Ivoire

Yanditswe kuya 23-08-2016 saa 09:46' na IGIHE


Sosiyete Nyarwanda itwara abantu n’ibintu mu kirere, RwandAir yatangaje ko tariki ebyiri Nzeli n’itariki ya 8 Ukwakira uyu mwaka izatangira gukora ingendo mu rwa Mukuru wa Benin, Cotonou, ndetse no mu Murwa Mukuru wa Côte d’Ivoire i Abidjan.

RwandAir yatangaje ko ingendo zizajya zikorwa gatatu mu Cyumweru n’indege B737-700-800NG.

Mu itangazao ryashyizwe ahagaragara na RwandAir, Jean Paul Nyirubutama, Umuyobozi Mukuru wungirije muri sosiyete ya RwandAir yatangaje ko ingendo za Cotonou zije ziyongera ku zari zisanzwe zikorerwa Kigali –Doula na Libreville naho ingendo za Abidjan zikaba zije ziyongera ku zakorerwaga i Accra .

Mu kugenda indege izajya ijyayo ku wa Kabiri, ku wa Gatanu no ku Cyumweru mu gihe mu kugaruka ingendo zizajya zikorwa ku wa Mbere ku wa Gatatu no ku wa Gatandatu.

Nyirubutama ati “ Hamwe no gutangiza izi ingendo ebyiri, RwandAir ikomeje umugambi wo guhuza u Rwanda n’ibindi bihugu byo muri Afurika y’Uburengerazuba kugira ngo ibihugu bya Afurika bikomeze gufatanya mu bucuruzi n’ubukerarugendo hagati yabyo.”

Mu gukomeza kugera mu bice bitandukanye RwandAir igiye kuzana indege nini nshya zo mu bwoko bwa Airbus, A330-200 na A330-300 zizahagera muri Nzeli no mu Ukwakira uyu mwaka wa 2016 .Izo ndege zizayifasha kwagura ingendo muri Asia no mu Burayi.

Ingendo za Cotonou na Abidjan zitumye RwandAir igira ibice 19 yerekerezamo hirya no hino muri Afurika kuri 17 byari bsanzwe harimo Nairobi, Entebbe, Mombasa, Bujumbura, Lusaka, Juba, Douala, Dar es Salaam, Kilimanjaro, Johannesburg, Dubai, Lagos, Libreville Brazzaville n’ahandi.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 30 Nzeri 2016
Copyright © 2009 -2014 - IGIHE Ltd - All Rights Reserved