00:00:00 IGIHE NETWORK KN KINYARWANDA EN ENGLISH FR FRANCAIS

Nyamasheke: Abajyanama b’ubuzima bagiye kuzuza inyubako ya miliyoni zisaga 480 Frw

Yanditswe na Nsanzimana Erneste
Kuya 1 Ukwakira 2021 saa 07:34
Yasuwe :
0 0

Abajyanama b’ubuzima bo mu Karere ka Nyamasheke bagera ku bihumbi bibiri bishyize hamwe bakusanya amafaranga bubaka inzu ya miliyoni 480 Frw.

Iyi nyubako yatangiye kubakwa muri Nyakanga 2020, biteganyijwe ko izatangira gukorerwamo ku mu mpera z’uyu mwaka wa 2021.

Nyirahabimana Philomène, umuyobozi wa sosiyete y’Abajyana b’ubuzima iri kubaka iyi nzu, yabwiye IGIHE ko bahisemo kuyubaka kuko bashakaga igikorwa kibahuriza hamwe kikanabafasha kwiteza imbere.

Yagize ati “Twahisemo gukusanya amafaranga yo kubaka iyi nzu kuko twashakaga igikorwa cyaduhuza, kandi kikatubyarira inyungu”.

Nyirahabimana avuga ko abajyanama b’ubuzima bo muri aka karere basanzwe bafite amakoperative bahuriramo. Ni amakoperative 19, agizwe n’abanyamuryango bagera ku bihumbi bibiri. Aya makoperative akora ibikorwa bitandukanye byiganjemo ubuhinzi n’ubworozi.

Biteganyijwe ko iyi nzu niyuzura abanyamuryango b’iyi sosiyete bazajya bagabana inyungu hagendewe ku migabane batanze mu iyubakwa ry’iyi nzu. Buri koperative imaze kuyitangaho umugabane ungana na miliyoni 25 z’amafaranga y’u Rwanda.

Umuyobozi w’Akarere ka Nyamasheke wungirije ushinzwe iterambere ry’ubukungu, Ntaganira Josué Michel, yavuze ko iyi nyubako y’abajyanama b’ubuzima ari igikorwa giteza imbere ubukungu ndetse kikaba no mu cyekerezo cy’igihugu.

Ati “Ni umusanzu w’indashyikirwa abajyanama b’ubuzima bashyize mu iterambere ry’akarere kabo.”

Mu bufasha akarere ka Nyamasheke kahaye aba bajyanama b’ubuzima harimo inkunga y’ibitekerezo n’inkunga y’ikibanza.

Visi Meya Ntaganira avuga ko iyi nyubako izakorerwamo ibikorwa bitandukanye kuko irimo ibyumba by’inama n’ibyumba by’ubucuruzi bishobora no gutangirwamo serivisi.

Iyi nyubako izuzura itwaye miliyoni 480 Frw

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .