Kwamamaza

Mu mezi atatu gusa, asaga miliyari yashowe mu kigega Iterambere Fund

Yanditswe kuya 14-11-2016 saa 17:09' na Marie Ange Mukaneza


Mu igurisha rya mbere ry’imigabane mu Kigega RNIT Iterambere Fund, imigabane ingana n’amafaranga y’u Rwanda 1 046 892 986 ni yo yaguzwe mu gihe cy’amezi atatu.

Iri gurisha rya mbere ryatangijwe tariki ya 12 Nyakanga 2016 na Minisitiri w’Intebe, Anastase Murekezi na Minsitiri w’Imari n’Igenamigambi, Ambasaderi Gatete Claver, ubwo ikigega RNIT Iterambere Fund cyatangizwaga. Ryasojwe ku itariki ya 7 Ukwakira 2016 aho ryitabiriwe n’abantu 920.

Ikigega RNIT Iterambere Fund ni ikigega gishinzwe ishoramari ry’ibigega by’imigabane mu Rwanda kibarizwa muri sosiyeti y’ubucuruzi ikora ishoramari ry’umwuga, RNIT Ltd. (Rwanda National Investment Trust.

Mu kiganiro n’abanyamakuru kuri uyu wa 14 Ugushyingo 2016, Umuyobozi mukuru wa RNIT, André Gashugi yavuze ko abaguze imigabane mu kigega Iterambere Fund bari mu byiciro bibiri, icyiciro gishingiye ku nyungu(Income option) n’igishingiye ku izamuka ry’igishoro (Reinvestiment option).

Yagize ati” Muri aba bantu bizigamiye bagashora imari muri iki kigega, abantu bagiye mu cyiciro gishingiye ku nyungu, yayandi tuvuga ngo buri mwaka bazajya baka inyungu zabo ni 78 gusa, naho abantu 842 bafite amafaranga 953 433 986 bagiye mu cyiciro gishingiye ku izamuka ry’igishoro. Ibi bikaba biduha icyizere cy’uko abantu bagiyemo bafite intego yo kuba bakwizigamira by’igihe kirekire.”

Gashugi yakomeje avuga ko RNIT Iterambere Fund yagiyeho mu rwego rwo gushishikariza abantu kugira uburyo bwo kwizigama no gushora imari mu gihe kirekire, kandi ko uwifuza kugurisha imigabane ye atirirwa ayishyira ku isoko ahubwo ikigega kizajya gihita kiyimugurira.

Umuyobozi w’Inama y’ubutegetsi ya RNIT, Jonathan Gatera yavuze ko aya mafaranga ari mu kigega RNIT Iterambere Fund batayabitse ahubwo nabo batangiye kuyashora mu bicuruzwa bitandukanye biri ku isoko ry’imari n’imigabane mu Rwanda.

Gatera kandi avuga ko igice kinini cy’aya mafaranga cyashowe mu mpapuro mpeshwamwenda mu gihe andi yagiye ahabwa amabanki kugira ngo ayakoreshe azayishyure nyuma.

Yanavuze ko kandi mu bigaragara abanyarwanda bose batarasobanukirwa ikigamijwe n’iki kigega, bakaba bateganya gushyira imbaraga mu kubibasobanuriraa no kubereka inyungu zirimo.

Mu igurisha rya mbere umugabane mu Kigega RNIT Iterambere Fund wari ku mafaranga 100, amake yaherwagaho akaba yari 2000.

Mu cyiciro cya kabiri kizatangira ku itariki 15 Ugushyingo 2016, ikiguzi cy’umugabane umwe cyageze ku mafaranga 100.92, azajya agenda yiyongera buri munsi bitewe n’uko isoko rihagaze.

André Gashugi(Ibumoso), Umuyobozi mukuru wa RNIT,na Jonathan Gatera, Perezida w'Inama y'Ubutegetsi

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved