Kwamamaza

GOSHEN yijeje abakiliya bayo ko aho bagana ari heza kurushaho

Yanditswe kuya 16-09-2016 saa 14:48' na IGIHE


Komite Nyobozi Nshya ya Goshen Finance Ltd yijeje abakikiya bayo n’abanyamuryango ko ibyiza byagezweho mu myaka icumi bizasigasirwa kandi bikarushaho gutezwa imbere no kwiyongera.

Byatangarijwe mu muhango w’ihererekanyabubasha hagati ya Komite icyuye igihe na Komite Nshya, kuri uyu wa 15/09/2016.

Komite icyuye igihe yari iyobowe na Dr Ndamyumugabe Phodidas, naho Komite Nyobozi nshya iyobowe na Peter Nkubara.

Umuyobozi Mukuru wa GOSHEN Finance Ltd, Ignace Musangamfura yashimiye abanyamuryango ba Goshen kuba ari bo batumye igera ku ntambwe bishimira ko bariho nyuma y’imyaka icumi ibayeho.

Perezida w’Inama y’Ubutegetsi icyuye igihe, Dr Phodidas Ndamyumugabe yibukije urugendo rurerure rwabayeho ngo GOSHEN ibe igeze ku iterambere iriho ubu, yibutsa ko ubwo yatangizwaga kuwa 29/05/2005, byari bigoye kwishushanyiriza ko izaba igeze ku ntera nk’iyo iriho mu myaka 10.

JPEG - 255 kb
Dr Ndamyumugabe Phodidas yibukije amavu n’amavuko ya Goshen Finance Ltd

Dr Ndamyumugabe ati “Mu mwaka wa 2006 twabaye COOPEC, mu mwaka wa 2008 dusaba BNR kuba ikigo cy’imari iciriritse, nayo idutegeka kuba dufite miliyoni 300. Twasabye abanyamigabane kuyateranya, bakusanya arenga miliyoni 500, urugendo rwacu rukomeza rutatuvunnye.”

Dr Ndamyumugabe yibukije ko bagitangira nt’aho gukorera bari bafite, nta bikoresho, nta n’umutungo munini wari uhari, ariko ubu bakaba bafite ibikoresho bihagije, amashami arindwi mu gihugu ndetse n’umutungo wose (Total Assets) ukabakaba miliyari enye n’igice.

Dr Phodidas yagarutse ku kuba GOSHEN yakoze mu buryo butandukanye cyane n’ibindi bigo by’imari byahombaga ibindi bigafunga imiryango, avuga ko icyizere n’ubunyangamugayo bakoranaga ari byo byatumye bagira ubudasa, kandi ibi bikaba byarunganirwaga no gucunga neza umutungo w’abakiliya babo.

Yibukije kandi ko GOSHEN yagize uruhare mu bikorwa byo gufasha, nko kuremera abatishoboye basizwe iheruheru na Jenoside, guha mutuweli abaturage batishoboye mu turere yakoreragamo n’ibindi.

Yasabye Komite nshya kusa ikivi bari bateruye, basoza imishinga myiza y’iterambere yari ikiri mu nzira.

Peter Nkubara, Perezida w’Inama y’Ubutegetsi ya Goshen, yashimiye Ignace Musangamfura ko kuva yaba Umuyobozi hari impinduka nziza nyinshi zabayeho mu kubungabunga umutungo wa GOSHEN.

JPEG - 234.7 kb
Perezida mushya w’Inama y’Ubutegetsi ya Goshen, Peter Nkubara

Peter Nkubara yashimiye kandi Komite icyuye igihe kuba yaritanze ibyari biteganyijwe byose bikaba byaragezweho, abashimira kuba baragize Imana nyambere na yo ikabashoboza.

Umuyobozi Mushya w’Inama y’Ubutegetsi ya Goshen, Peter Nkubara, yavuze ko kimwe mu byo bashyize imbere muri gahunda y’ubuyobozi bushya , ari ukuzamura imari shingiro ya Goshen Finance Ltd, kurushaho gukurikirana inguzanyo ngo hatabaho kudindira mu kwishyura, no kwegera Abanyanyarwanda aho bari batagombye kuhubaka amashami hose.

Aha yavuze ko Goshen izakoresha uburyo bwo kubitsa no kubikuza hakoreshejwe telefoni ngendanwa (Mobile Money), no gukwirakwiza abahayihagarariye (Agents) hirya no hino mu gihugu.

JPEG - 275.7 kb
Pst Ezra Mpyisi ati"Mwabigezeho kuko muri abantu, mutari inka"

Umukambwe Ezra Mpyisi, umwe mu banyamuryango ba Goshen yavuze ko bagitangira bari bafite ukwizera guke, ariko ubu ibitangaza byarashobotse. Ati: “Ibi mwishimira mwabigezeho kuko muri abantu mutari inka … Imana yahaye umuntu ububasha burenze ubw’inyamaswa, kuko yamuhaye kubasha kuvuga, kubasha gutekereza, kugira amahitamo n’umudendezo ntayegayezwa, nimubikoresha neza, ntacyo mutazageraho”

Umuhango w’ihererakanyabubasha waranzwe kandi no guha impano z’ishimwe abagize uruhare mu iterambere rya Goshen, gusangira umutsima w’imyaka icumi yo guhamya intego no gusabana.
Kanda hano umenye Serivisi n’ibikorwa bya GOSHEN Finance Ltd

Akanyamuneza kari kose
Ba Perezida b'Inama y'Ubutegetsi bombi
Abakoze ibikorwa bihambaye bahawe impano n'ishimwe
Bamwe mu bagize biro y'inama y'ubutegetsi icyuye igihe
Bamwe mu banyamigabane muri Goshen
Bimwe mu bikorwa bya Goshen
Umuyobozi wa Goshen Finance Ltd
Hasangiwe umutsima w'isabukuru y'imyaka 10, Goshen Finance Ltd imaze ishinzwe
Abagize Komite Nyobozi nshya y'Inama y'Ubutegetsi ya Goshen

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 26 September 2016
Copyright © 2009 -2014 - IGIHE Ltd - All Rights Reserved