Kwamamaza

Banki yo muri Maroc yaguze imigabane ya miliyoni 41 z’amadolari muri Cogebanque

Yanditswe kuya 19-10-2016 saa 21:17' na Cyprien Niyomwungeri


Banki ikomeye yo muri Maroc yitwa Attijariwafa, yaguze imigabane ya Cogebanque ingana na 76.19% ku gaciro ka miliyoni 41 z’amadolari ya Amerika.

Aya ni amwe mu masezerano agamije guteza imbere ubukungu hagati y’ibihugu byombi aho bongeye amafaranga muri Cogebanque kugira ngo ibe Banki ikomeye atari mu Rwanda gusa ahubwo no ku rwego rw’akarere.

Minisitiri w’Imari n’Igenamigambi, Gatete Claver, yavuze ko Abanya-Maroc bagiye no gutangiza indi banki mu Rwanda yitwa Banque Centrale Populaire. Iyi banki isanzwe ikorera muri Maroc.

Yagize ati “ Bashaka ko no mu Rwanda iriya banki ihakorera. Ntabwo iremerwa gukora ariko bizakorwa vuba.”

Hashyizweho kandi ikigega cy’ubufatanye ‘Mutual Fund’ kingana na miliyoni 300 z’amadolari ya Amerika kikazatangirana na Miliyoni 50 z’amadolari hano mu Rwanda zizazamuka zikagera kuri 300.

Gatete avuga ko iki kigega Maroc izaza mu Rwanda ikarambagiza imishinga yashorwamo ayo mafaranga.

Akomeza avuga ko kuba basinye amasezerano mu ngeri zitandukanye z’ubukungu kandi bafite ubushake, ari ikintu u Rwanda rwishimira kizatuma umubano w’ibihugu byombi ukomeza kuba mwiza.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved