Kwamamaza

Abikorera bo muri Rhénanie Palatinat barashakira amahirwe y’ishoramari mu Rwanda

Yanditswe kuya 5-09-2016 saa 14:16' na Mukaneza M.Ange


Abikorera baturutse mu Ntara ya Rhénanie Palatinat yo mu Budage, bari mu ruzinduko mu Rwanda aho baje kureba ahari amahirwe y’ishoramari no gushakisha uko batangira gukorana na bagenzi babo b’abanyarwanda.

Mu biganiro bagiranye n’abikorera bo mu Rwanda kuri uyu wa 5 Nzeri 2016, Umuyobozi w’ishami rishinzwe udushya muri Minisiteri y’ubukungu mu Budage, Dr Joe Weingarten yavuze ko ari ubwa gatatu abikorera baturutse muri iyi Ntara basura u Rwanda, bityo ngo ikigamijwe akaba ari ukureba uburyo bakorana n’abashoramari bo mu Rwanda.

Ati” Nzi ko u Rwanda rushaka kohereza mu mahanga umusaruro w’ibikomoka ku buhinzi n’ibindi bikoresho. Icyo dushobora kuzana mu Rwanda ni ikoranabuhanga. Imashini, imiti no gukora imodoka ni bimwe mu byo dufitemo ubunararibonye kandi byagirira akamaro u Rwanda.”

Weingarten yakomeje avuga ko nk’Intara imaze kugera ku rwego rwo kohereza mu mahanga ibintu bingana na 56%, inama baha abanyarwanda ngo ni uguharanira gukora ibintu byiza kandi by’umwimerere kugira ngo bibashe guhangana ku isoko mpuzamahanga.

Thomas Wolf ukuriye sosiyete Wolfcraft GmbH ikora ibikoresho byifashishwa mu mashanyarazi, yavuze ko ari ubwa mbere ageze mu Rwanda, ndetse icyo ashyize imbere akaba ari ugushaka isoko ry’ibikoresho bakora ndetse n’ababahagararira.

Abanyarwanda bitabiriye iyi nama barimo, Kwiza Mitch wari uhagarariye sosiyete Aquasan ikora ibigega by’amazi, yashimangiye ko uruzinduko rw’aba Badage ari ingenzi cyane kuko bazabigiraho byinshi birimo ikoranabuhanga no kubasha kongera ubwiza n’umusaruro w’ibyo bakora.

Umuyobozi ushinzwe ubuvugizi mu Rugaga rw’abikorera mu Rwanda, PSF, Mungwarareba Donatien yavuze ko uyu ari umwanya mwiza abacuruzi b’impande zombi baba babonye kugira ngo babone amakuru nyayo ku byo buri wese akora.

Ati” U Budage ni igihugu cyateye imbere mu ikoranabuhanga. Icyo dukora ni ugushyiraho gahunda nk’izi ngo twigire kuri bo, tukareba imashini bakoresha. Mu by’ukuri ubumenyi nubwo budahagije, abanyarwanda ubushake barabufite.”

Uruzinduko rw’aba bikorera bo mu Ntara ya Rhénanie Palatinat, rwatangiye ku itariki ya 4 Nzeri rukazasozwa ku itariki ya 10 Nzeri 2016, aho bazanasura abikorera bo muri Tanzania.

Kuva mu 1982, hasanzwe hari ubufatanye hagati y’Intara ya Rhénanie Palatinat n’u Rwanda bwibanda ku bikorwa by’uburezi n’umuco.

Aba bikorera bo mu Budage ngo baje mu Rwanda gushaka aho bashora imari yabo
Dr Joe Weingarten wari uyoboye iri tsinda ry'abikorera bari mu ruzinduko mu Rwanda
Abanyarwanda na bo ngo biteguye kungukira byinshi kuri aba bashyitsi

Amafoto:Luqman Mahoro
[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved