Umuyobozi Mukuru wa BK yijeje abakiliya b’i Rwamagana na Kayonza kurushaho kubegera

Yanditswe na Hakizimana Jean Paul
Kuya 31 Gicurasi 2018 saa 11:29
Yasuwe :
0 0

Umuyobozi Mukuru wa BK Group PLC, Dr Karusisi Diane, yasuye abakiliya b’amashami ya Rwamagana na Kayonza abizeza kuzakomeza kubaba hafi na zimwe muri serivisi zatangirwaga ikigari bakazibonera hafi.

Dr Karusisi yagiriye urugendo mu Ntara y’Iburasirazuba, ku wa 30 Gicurasi 2018, mu rwego rwo kuganira n’abakiliya , anareba uko serivisi zitangwa muri ayo mashami.

Yasabye abakiliya gukomeza kugirira icyizere banki yabo ku bijyanye n’umutekano w’amafaranga ibabikira na serivisi ibaha.

Yaavuze ko banki igiye kurushaho kubegera ikajya iganira nabo ndetse zimwe muri serivisi bajyaga bakenera bikabasaba kujya i Kigali zigiye kubegerezwa.

Yagize ati “ Mu rwego rwo kwegera abakiliya bacu, hari serivisi nyinshi twakoreraga i Kigali zigiye kujya zitangirwa mu mashami yacu yose kugira ngo turusheho kwegera abakiliya bacu.”

Umuyobozi wungirije uhagarariye abikorera mu Ntara y’Iburasirazuba Nkurunziza Jean de Dieu, yavuze ko bishimiye gusurwa n’umuyobozi wa BK ndetse ko abo ahagarariye bazakomeza gukorana nayo.

Umuyobozi w’Akarere ka Rwamagana, Mbonyumuvunyi Radjab, yavuze ko ishami rya BK rikorera mu mujyi wa Rwamagana ari imwe mu mabanki akora neza kandi yakira neza abakiliya.

Yashimiye ubuyobozi bwa BK bwatekereje igikorwa cyo kwegera abakiliya, yizeza ko akarere kazakomeza kubaba hafi.

Umukiriya wa BK ukorera mu Karere ka Kayonza, Kayitesi Consolata, yashimiye BK, agaragaza ko yamufashije kwiteza imbere.

Yagize ati “ Bk nyifata nk’umubyeyi wanjye kuko yambereye papa, imbera mama mbese sinabona icyo mvuga. Ubu ndi rwiyemezamirimo ukomeye. Mfite inzu nkodesha bakampa amadolari $2000, ibyo byose nabigezeho kubera BK.”

BK Group PLC ihuriyemo ibigo nka Banki ya Kigali, BK TecHouse na BK General Insurance. Ibi bigo biherutse gutangaza ko mu gihembwe cya mbere cy’uyu mwaka, nyuma yo kwishyura umusoro, byungutse miliyari 6.0 Frw, bingana n’izamuka rya 7.7% ugereranyije n’umwaka wabanje.

Abakiliya bishimiye uburyo ubuyobozi bwa BK bwabegereye bakaganira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza