Kwamamaza

2016:Umusaruro mbumbe w’u Rwanda wageze kuri miliyari 1549 Frw mu gihembwe cya kabiri

Yanditswe kuya 20-09-2016 saa 14:23' na Rabbi Malo Umucunguzi


Ikigo cy’Igihugu cy’Ibarurishamibare mu Rwanda, NISR, cyatangaje ko umusaruro mbumbe w’igihugu (GDP), mu gihembwe cya kabiri cya 2016, wose hamwe ungana na miliyari 1 549 z’amafaranga y’u Rwanda, avuye kuri miliyari 1428 Frw yo mu gihembwe nk’iki mu 2015, bivuze ko wazamutseho 5.4%.

Gusa igipimo cy’izamuka cyaragabanutse ugereranyije n’igihembwe cya Mbere 2016, kuko ho cyari 7.3%.

Muri iki gihembwe cya Kabiri cya 2016, ni ukuvuga kuva muri Mata kugeza muri Kamena, ubuhinzi n’ubworozi bwazamutseho 3%, inganda zigabanukaho 2% naho serivisi zizamukaho 9%.

Umuyobozi w’Ikigo cy’Igihugu cy’Ibarurishamibare mu Rwanda, Yusuf Murangwa yavuze ko iri gabanuka ugereranyije n’uko byagenze mu gihembwe cya mbere, ryaturutse ahanini ku byoherezwa mu mahanga, imiterere y’ubuhinzi n’amabuye y’agaciro.

Ati “Ibyo twohereza mu mahanga byagabanutseho 23% cyane bitewe n’ikawa yagabanutseho 37% ariko icyayi cyo cyarazamutseho 4.7%. Ikindi amabuye y’agaciro yagabanutseho 13% n’ubwubatsi bugabanukaho 6%.”

Urwego rw’inganda muri rusange rwagabanutseho 2% , urwego rwa serivisi rukomeza kwiharira igice kinini cy’izamuka ry’ubukungu bw’igihugu kuko rwihariye 48% by’umusaruro mbumbe, ubuhinzi n’ubworozi bufite uruhare rwa 33% naho inganda zikagira uruhare rwa 13%.

Murangwa yakomeje agira ati “Hari inganda turi gukurikiranira hafi nazo ziri kuzamuka cyane zirimo gukora imyenda no gutunganya ibiva mu mpu byazamutseho 17%, amahoteli n’amaresitora yazamutseho 4% muri rusange kandi akomeje kugira uruhare mu bikorwa by’ubukerarugendo n’inama mpuzamahanga”.

Muri iki gihembwe cya kabiri, ikoranabuhanga, itumanaho no gutanga amakuru byazamutseho 15%, mu gihe serivisi za leta zihabwa abaturage, umutekano n’ubwishingizi byazamutseho 16%.

Umuyobozi w’Ikigo cy’Igihugu cy’Ibarurishamibare mu Rwanda, Yusuf Murangwa
Abanyamakuru batandukanye bari bitabiriye imurikwa ry'uko ubukungu buhagaze

Amafoto: Mahoro Luqman


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved