Minisitiri Paula Ingabire yashyizwe mu bayobora EDISON-Alliance ihuza ikoranabuhanga n’ubukungu

Yanditswe na Muhonzire Sylvine
Kuya 29 Mutarama 2021 saa 06:13
Yasuwe :
0 0

Minisitiri w’Ikoranabuhanga na Inovasiyo, Ingabire Paula, yagizwe umwe mu bagize inama y’ubuyobozi y’ihururiro rishya rya EDISON-Alliance, ryatangijwe n’Ihuriro Mpuzamahanga ry’Ubukungu (WEF), rizibanda ku guteza imbere ikoranabuhanga n’izindi nzego z’ubukungu.

EDISON-Alliance yatangijwe ku mugaragaro kuwa Kane tariki 28 Mutarama mu nama y’ubukungu imaze iminsi itanu ikorwa hifashishijwe ikoranabuhanga yateguwe n’Ihuriro ry’Ubukungu ku Isi (World Economic Forum, WEF)

Iri rihuriro ryatangijwe kugira ngo ryite ku kugabanya ubusumbane buri mu ikoranabuhanga rishingiye ku bukungu, aho byagaragaye ko muri iki gihe cya Covid-19, hafi kimwe cya kabiri cy’abatuye isi (abatuye mu bihugu biri mu nzira y’amajyambere) batabashije kubona uko biga, bakora cyangwa babaho neza kubera ibibazo by’ubushobozi buke butuma badakoresha ikoranabuhanga.

Iri huriro rigamije kuziba icyuho kiri hagati y’inganda zikora ibijyanye n’ikoranabuhanga n’inzego zitandukanye z’ubukungu, aho rizakorana bya hafi n’ibihugu hamwe n’izi nganda kugira ngo ikoranabuhanga rirusheho gutera imbere muri byose.

Minisitri Paula Ingabire azaba akorana n’abandi bayobozi bane barimo Umuyobozi mukuru w’ikigo cy’itumanaho gikorera muri Amerika cya Verizon, Hans Vestberg, ari na we uzayobora iri tsinda ndetse n’ihuriro muri rusange.

Abandi bazakorana na we harimo , Ajay Banga, Umuyobozi uhagarariye sosiyete ya Master Card, Shobana Kamineni, Umuyobozi Mukuru w’ungirije w’ikigo cyita k’ubuzima cya Apollo Hospitals ndetse na Robert F. Smith washinze sosiyete Vista Equity Partners akaba anayibereye umuyobozi.

Derek O’Halloran, umwe mu bagize Komite Nshingwabikorwa akaba n’Umuyobozi w’Ishami ry’Ubukungu bushingiye ku ikoranabuhanga muri WEF, yavuze ko ari ubwa mbere abayobozi b’inzego zigenga n’iza leta bahurijwe hamwe hagamijwe gusakaza ikoranabuhanga.

Yongeyeho ati “Gushyira ingufu mu gutuma ikoranabuhanga rigera mu nzego zose zirimo iz’ubuzima, uburezi n’ubukungu, ni iby’ingenzi mu kuzahura ubukungu no guhuriza hamwe abagize sosiyete.”

“Nitubigeraho bizatuma habo imikoranire irambye. Ni ngombwa ko dukorera hamwe kandi tukabigeraho vuba”.

Iri huriro rizita cyane ku gushyira imbaraga mu bijyanye n’ikoranabuhanga, aho rizaba urubuga ku barigize, bagamije kugera ku majyambere arambye.

Minisitri Ingabire Paula, yavuze ko habayeho imikoranire ihambaye muri iki gihe isi ihanganye n’icyorezo cya Covid-19 yatumye horoshywa gahunda zijyanye n’ikoranabunga mu mitangire ya serivisi.

Yongeyeho ati “Kugira ngo duterimbere kurushaho, dukeneye ubukarungambaga mu nzego zose yaba iza leta ndetse n’izigenga kugira ngo hashyirweho ibisuzizo bitanga umusaruro, ukuraho ubusumbane mu gukoresha internet yihuta hagamijwe kugera ku ntego zashyizweho kugeza mu 2025.”

Minisitiri Ingabire yitezweho umusaruro ufatika muri iri ihuriro cyane ko yakunzwe kugirirwa icyizere na WEF, aho muri Werurwe umwaka ushize yashyizwe ku rutonde rw’abayobozi bakiri bato bahanzwe amaso kubera inshingano n’ ubushobozi bafite.

Minisitiri Ingabire Paula yagizwe umwe mu bayobozi bazayobora ihuriro rya EDISON-Alliance

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .