MINAGRI yahumurije abahinzi b’ibitunguru batatse igihombo mu karere ka Rubavu

Yanditswe na Muhonzire Sylvine
Kuya 4 Gashyantare 2021 saa 04:17
Yasuwe :
0 0

Minisiteri y’ubuhinzi n’ubworozi (MINAGRI) yahumurije abahinzi bo mu Karere ka Rubavu batatse igihombo nyuma y’uko bejeje ibitunguru maze bikabiburira isoko, ibizeza ko igiye gufatanya n’inzego z’ibanze mu kubashakira igisubizo.

Iyi minisiteri yasobanuye ko iki kibazo cyo kubura isoko ku masuraro w’ibitunguru cyatewe n’ingaruka za guma mu rugo yashyizweho kugira ngo hirindwe ikwirakwira ry’icyorezo cya Coronavirus.

Bamwe muri aba bahinzi bari barahisemo kugumisha umusaruro wabo mu murima kugira ngo bibe ifumbire y’imborera, bagiriwe inama na minisiteri yo kubisarura maze bakabyanika kugira ngo bitazabora, ibasezeranya gukorana n’inzego zibanze maze ibyo bitunguru bigashakirwa isoko.

Umuyobozi wungirije w’Akarere ka Rubavu ushinzwe iterambere ry’ubukungu, Nzabonimpa Déogratias, na we yabijeje ko iki kibazo kiri hafi kubonerwa umuti kuko imashini yitezweho gutunganya umusaruro w’imboga kuburyo zishobora guhunikwa igihe kinini irimo gukorwa neza, nyuma y’ikibazo yari yaragize cyo gutogosa imboga aho kuzumisha.

Ubusanzwe ibitunguru byerera hagati y’amezi atatu n’ane. Hegitari imwe ishobora kweraho toni 25. Akarere ka Rubavu ni kamwe mu tweramo ibitunguru ku bwinshi.

Abahinzi b'ibitunguru basabwe kuba babisaruye mu gihe bagishakirwa isoko

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .