00:00:00 IGIHE NETWORK KN KINYARWANDA EN ENGLISH FR FRANCAIS

Kigali Marriott yizihije imyaka itanu imaze mu Rwanda, yishimana n’abafatanyabikorwa bayo (Amafoto)

Yanditswe na Uwiduhaye Theos
Kuya 21 Ugushyingo 2021 saa 10:27
Yasuwe :
0 0

Marriott Hotel, Ishami ry’u Rwanda, yakoze ibirori byo kwishimana n’abafatanyabikorwa bayo batandukanye mu rwego rwo kubashimira no kubereka ko iyi hoteli izirikana umumaro wabo.

Kigali Marriott ni hotel iha agaciro abakozi bayo ku buryo mu kazi batitwa abakozi ahubwo ari abafatanyabikorwa (associates). Uretse ibyo kandi n’abafatanyabikorwa bayo bafatwa neza ku buryo igira umwanya wo kubashimira no kubereka ko ari abantu b’ingenzi mu buzima bw’iyi hoteli.

Buri mwaka bagira ubusabane n’abafatanyabikorwa mu rwego rwo kwishimira umwaka basoje no gukomeza kunga ubumwe nabo no kubiyegereza. Ni igikobwa cyahawe inyito ya #Marriottsaysthx cyangwa se ‘Marriott irabashimira’ mu rurimi rw’Ikinyarwanda.

Uyu mwaka igikorwa nk’iki cyabaye kuri uyu wa Gatanu tariki 19 Ugushyingo, aho abasanzwe bakorana bya hafi na Kigali Marriott Hotel barimo ibigo by’imari, ubukerarugendo, ibikora ingendo z’indege n’ibindi bari bahuriye hamwe mu musangiro.

Umuyobozi wa Kigali Marriott Hotel ushinzwe Ubucuruzi n’Iyamamazabikorwa, Mohamed Derouiche, yabwiye IGIHE ko uretse kwishimana n’abafatanyabikorwa babo, bishimira imyaka itanu bamaze mu Rwanda.

Ati “Uyu munsi turi kwishimira ibintu bibiri. Icya mbere ni ugusoza icyumweru cyo gushimira abakiliya; ni mu mujyo w’icyumweru dufata buri mwaka tugashimira abakiliya n’abafatanyabikorwa bacu ubudahemuka bwabo ndetse tukishimira ubufatanye bwabo natwe. Twishimira ubufatanye bwacu mu gukora ubushabitsi. Icya kabiri ni ukwishimira imyaka itanu tumaze mu Rwanda guhera mu 2016.”

Yavuze ko bishimiye kuba bari kumwe n’aba bafatanyabikorwa kuko hari hashize igihe kinini batabikora kubera icyorezo cya COVID-19.

Ati “Uyu munsi ni igihe kidasanzwe. Ni igihe dusangira tukishimana. Twari tumaze igihe kijya kungana n’imyaka ibiri tudahura n’abantu bacu gutya. Turishimye kongera guhura nabo. Icyiza cy’iki gikorwa ni uko twereka abakiliya bacu ko tubazirikana. Buri wese akatwiyumvamo kandi akatwishimira. Buri muntu wese akunda gushimirwa. Ikindi turasangira, bikongera ubumwe bwacu n’abafatanyabikorwa bacu bakora ibikorwa bitandukanye .”

Mohamed Derouiche yavuze ko Kigali Marriott Hotel imaze kuzana impinduka mu Rwanda ndetse bakaba barubatse ubumwe budasanzwe mu babagana. Yemeza ko mu myaka itanu iri imbere bazaba hari ibindi byinshi bagejeje ku Banyarwanda.

Ati “Marriott Hotel yazanye impinduka. Twubatse umubano n’abantu benshi bakora ibintu bitandukanye mu gihugu. Hari ikintu twongeye mu isoko ry’ibijyanye n’ubukerarugendo. Biragoye ko umuntu yaza i Kigali ngo atahe adasuye Marriott Hotel. N’iyo utaza ngo uharare, dufite ibintu byinshi bikurura abantu. Dushaka kugera ku bandi bantu benshi baruta abo dufite. Dushaka kuzana ikoranabuhanga rishya. Ni byinshi twifuza gukora mu myaka iri imbere.”

Muri ibi birori Kigali Marriott Hotel yahaye impano zitandukanye abari bitabiriye iki gikorwa mu rwego rwo gukomeza kubanezeza.

Kigali Marriott Hotel yafunguwe ku mugaragaro ku wa Kabiri tariki 4 Ukwakira 2016. Kuva icyo gihe usibye gutanga serivisi z’amahoteli na restaurant, inagaragara mu bikorwa bigamije guteza imbere umuryango nyarwanda birimo gukora igikorwa cyo kubakira abatishoboye, umuganda, kwishyurira abatishoboye mituweli, gusura abarwayi n’ibindi.

Aba bari bari gusangira bahuje urugwiro
Ababishoboye bacinye akadiho
Abakora ibikorwa bitandukanye baboneyeho umwanya wo guhana ibitekerezo
Akanyamuneza kari kose ku bitabiriye
Alain Numa wa MTN (uri ibumoso) ni umwe mu bari bitabiriye iki gikorwa
Bamwe mu baje muri iki gikorwa batahanye impano
Buri wese yishimiraga uko yakiriwe muri Marriott Hotel
Hakaswe umutsima wo kwishimira imyaka itanu Marriott Hotel imaze
Icyo kurya cyari gihari ku bwinshi
Iki gikorwa cyabaye kuri uyu wa Gatanu
Iki gikorwa umwaka ushize ntabwo cyabaye kubera icyorezo cya COVID 19
Kakooza Nkuriza Charles (KNC) ni umwe mu bafatanyabikorwa bari bitabiriye iki gikorwa
Kigali Marriott Hotel ifite gahunda yo kudabagiza birushijeho abakorana nayo
Kigali Marriott Hotel ishyira imbere kwita ku bafatanyabikorwa bayo n'abayikoramo
Kigali Marriott Hotel yashimiye bamwe mu bafatanyabikorwa bayo
Umuyobozi wa Kigali Marriott Hotel ushinzwe ubucuruzi n’iyamamazabikorwa, Mohamed Merouiche, avuga ijambo
Wari umunsi w'umunezero ku bakozi n'abafatanyabikorwa ba Marriot Hotel
Wari umwanya mwiza wo gusoza icyumweru umuntu afata kamwe

Amafoto: Elaste Irihoyizerwe


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .