KCB yegukanye imwe muri banki zikomeye muri Kenya

Yanditswe na Habimana James
Kuya 3 Nzeri 2019 saa 10:31
Yasuwe :
0 0

Banki Nkuru ya Kenya yemeje ko Banki y’ubucuruzi ya KCB yegukanye imigabane ihwanye 100% ya banki izwi nka, National Bank of Kenya Limited (NBK).

Ibi bizatuma umutungo w’iki kigo cy’uburuzi cya KCB uzamuka ukagera kuri miliyari 828 z’amashilingi ya Kenya.

KCB ifite amashami yayo mu bihugu bitandukanye birimo u Rwanda, Kenya ari naho ikomoka, Uganda, Tanzania, u Burundi na Sudani y’Epfo.

Iki kigo kandi gifite abagihagarariye mu gihugu cya Ethiopia.

Ikigo gifite ibindi bigo bigishamikiyeho birimo KCB Insurance Agency, KCB Capital na KCB Foundation.

Ibitangazamakuru birimo ibiro ntaramakuru by’Abongereza, Reuters na The Standard Media, byavuze ko Kuba KCB igeze kuri iki gikorwa bigiye kuyongerera ingufu byaba imbere mu gihugu no mu karere, kurushaho gufasha abikorera no gukora ibindi bikorwa by’ubucuruzi.

Umuyobozi w’agateganyo ushinzwe ikigega cy’imari muri Kenya, Ukur Yatani yabwiye abagize Inteko Ishinga Amategeko ko guverinoma ifite icyizere gikomeye muri iki gikorwa cya KCB cyo kwegukana NBK.

Yatani yasubizaga bamwe mu badepite bashinzwe imari bari bafite impungege kuri iyi gahunda ya KCB, ndetse bamwe bari basabye guverinoma ko yakwanga iki gikorwa.

Umuyobozi wa Banki ya Kenya, Mohamed Hassan aherutse kuvuga ko “Nubwo banki ya NBK ikomeye ariko ikeneye undi mutungo watuma ikomeza kugira ishoramari rikomeye kandi igakomeza kwagura ubucuruzi, uwo mutungo ukaba watangwa na KCB gusa.”

Igikorwa cyo kwegukana iyi banki cyatangijwe na KCB muri Mata uyu mwaka, abantu bamwe bo muri banki y’igihugu ya Kenya no mu kigo gishizwe isoko ry’imari n’imigabane bagenda babyamagana.

Umuyobozi Mukuru wa KCB, Joshua Oigara niwe washyizeho itsinda ryo gukurikirana imirimo yo kwegukana NBK.

NBK yashinzwe na guverinoma ya Kenya mu 1968, ikaba iri no ku isoko ry’imari n’imigabane rya Nairobi.

Banki Nkuru ya Kenya yashyigikiye ko KCB yegukana NBK

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza