IMF yanyuzwe na politiki y’ubukungu bw’u Rwanda, ishima ‘Made in Rwanda’

Yanditswe na Mathias Hitimana
Kuya 10 Mutarama 2017 saa 08:17
Yasuwe :
0 0

Ikigega mpuzamahanga cy’ubukungu (IMF) cyashimye politiki y’ubukungu y’u Rwanda, kikayigirira icyizere gishingiye ku ngamba rushyiraho mu gucunga inguzanyo, na politiki yo kugabanya ibitumizwa mu mahanga muri gahunda ya ‘Made in Rwanda ’.

Ibi FMI yabigaragaje kuwa 2 Mutarama 2017 isoje igenzura rya gatandatu ry’iterambere ry’ubukungu bw’u Rwanda, ndetse n’irya mbere ku mikorere ya gahunda yacyo itera inkunga ibihugu bikiri mu nzira y’amajyambere yitwa ‘Standby Credit Facility ’ (SCF).

Iki kigega kivuga ko cyasanze u Rwanda ruhagaze bwuma, ndetse kivuga ko gahunda yacyo yahaye u Rwanda inzira zo kugurizwa miliyoni 204 z’amadolari ya Amerika.

U Rwanda rushimwa uko rukoresha amafaranga ruhabwa

Ibyegeranyo by’imiryango itandukanye byakunze gushima u Rwanda ku ikoreshwa ry’amafaranga ruba rwagurijwe, FMI ishima gahunda ya SCF yaje gushyigikira iterambere ry’ubukungu bw’u Rwanda, cyane cyane mu gukoresha neza inguzanyo.

Iki kigega kivuga ko kugira ngo u Rwanda rurusheho kugera ku ntego rwihaye yo gutera intambwe bifatika mu bukungu, rugomba kurushaho kuzamura politiki yarwo yo kugabanya ibitumizwa hanze, rukanarushaho gushora imari mu bikorwaremezo.

Abahanga ba IMF banejejwe n’icyemezo Guverinoma y’u Rwanda yafashe cyo kugabanya ibyaturukaga hanze igashyiraho gahunda yiswe “Made in Rwanda”.

Raporo Ikigo cy’igihugu cy’ibarurishamibare giheruka gushyira hanze yerekana ko ibiva hanze byagabanutse kugera ku 8% mu mezi ane ya nyuma y’umwaka wa 2016.

FMI yashimiye kandi umurava u Rwanda rwakoranye mu kubungabunga ifaranga ry’u Rwanda kugira ngo ridatakaza agaciro ku kigero gikabije, aho ryagataye ku kigereranyo cya 9.3% mu mezi 10 ya nyuma y’umwaka wa 2016.

FMI iagaragza ko umurava u Rwanda rwakoranye mu gukoresha inguzanyo ruhabwa, no kugabanya ibyo rutumiza hanze, ari na ko hashyirwaho imishinga itandukanye izahura ubukungu, bizatuma rugera ku cyerekezo rwihaye.

U Rwanda rwifuza ko mu mwaka wa 2020, Umunyarwanda azaba yinjiza amadolari 1,240 ku mwaka avuye kuri $720 yinjiza ubu, na $221 yinjizaga mu 2003.

Ikigo cy’Igihugu cy’Ibarurishamibare, gitangaza ko kugeza mu gihembwe cya gatatu cya 2016 ubukungu bw’u Rwanda bwazamutseho 6%, mu gihe mu mezi atandatu ya mbere ya 2016 bwari 6.5%.

Ikigega Mpuzamahanga cy’Imari, IMF, giteganya ko ubukungu bwa Afurika yo munsi y’ubutayu bwa Sahara buzazamuka ku mpuzandengo ya 1.4% mu 2017,ubw’u Rwanda buzazamuka cyane inshuro zikubye enye ubwa kariya karere.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244