Kwamamaza

Ibiciro ku isoko mu cyaro byazamutse cyane kurusha mu mijyi

Yanditswe kuya 10-09-2016 saa 13:39' na IGIHE


Ikigo cy’Igihugu gishinzwe Ibarurishamibare mu Rwanda (NISR), cyashyize ahagaragara igipimo cy’ihindagurika ry’ibiciro mu kwezi kwa munani uyu mwaka, aho cyagaragaje ko muri uko kwezi mu bice by’imijyi ibiciro byazamutse ku gipimo cya 6,4% mu gihe mu cyaro byazamutse ku kigero cya 8,1%.

Mu itangazo iki kigo cyashyize ahagaragara kuri uyu wa 10 Nzeri 2016, gitangaza ko ibiciro mu mijyi byiyongereyeho 6,4% mu kwezi gushize kwa Kanama 2016 ugereranyije na Kanama 2015.

Cyavuze kandi ko ihinduka ry’ibiciro mu Rwanda mu kwezi kwa karindwi (Nyakanga 2016) ryo ryari ku kigereranyo kingana na 6,9%.

Ikigo cy’Ibarurishamibare kivuga ko bimwe mu byatumye ibiciro bizamukaho 6,4% mu kwezi kwa Kanama mu mijyi ari uko ibiciro by’ibiribwa n’ibinyobwa bidasembuye byazamutseho 12,0%, ibiciro by’amazu, amazi, amashanyarazi, gazi n’ibindi bicanwa bizamukaho 3,0% n’ibiciro by’ibijyanye n’ubwikorezi bizamukaho 8,6%.

Iyo ugereranyije ukwezi kwa Kanama 2016 na Kanama 2015, usanga ibiciro by’ibintu bitarimo ibiribwa n’ibikomoka ku ngufu byarazamutseho 4,5%.

Uyo ugereranyije ukwezi kwa karindwi n’ukwa munani uyu mwaka, usanga ibiciro byarazamutseho 0.5%. Iri zamuka na ryo ngo ryatewe n’ibiciro by’ibiribwa n’ibinyobwa bidasembuye byazamutseho 0,9% n’ibiciro by’amazu, amazi, amashanyarazi, gazi n’ibindi bicanwa byazamutseho 0,5% muri aya mezi.

Ibiciro mu byaro

Mu kwezi gushize kwa Kanama 2016 ibiciro mu byaro byiyongereyeho 8,1% ugereranyije na Kanama 2015 mu gihe mu kwezi kwa karindwi uyu mwaka ibiciro mu byaro byari ku kigereranyo kingana na 8,3%.

Ikigo cy’ibarurishamibare mu Rwanda gishyira mu majwi ibiciro by’ibiribwa n’ibinyobwa bidasembuye byazamutseho 13,6% n’ibiciro by’amazu, amazi, amashanyarazi, gazi n’ibindi bicanwa byazamutseho 2,1% nka nyirabayazana w’iri zamuka.

Iyo ugereranyije ukwezi kwa munani (Kanama 2016) n’ukwezi kwa karindwi (Nyakanga 2016) ibiciro byazamutseho 1,9%. Iri zamuka ahanini na bwo ngoryatewe n’izamuka ry’ ibiciro by’ibiribwa n’ibinyobwa bidasembuye byazamutseho 3,0% n’ibiciro by’amazu, amazi, amashanyarazi, gazi n’ibindi bicanwa byazamutseho 1,2%.

Ibiciro bikomatanyirijwe hamwe (mu mijyi no mu byaro)

Mu kwezi gushize kwa Kanama 2016 ibiciro mu Rwanda haba mu mijyi no mu byaro, byiyongereyeho 7,5% ugereranyije na Kanama 2015. Mukwezi kwa karindwi uyu mwaka,ibiciro mu Rwanda byiyongereyeho 7,8%.

Bimwe mu byatumye ibiciro byiyongeraho 7,5% mu kwezi kwa Kanama 2016 ni ibiciro by’ibiribwa n’ibinyobwa bidasembuye byazamutseho 13,3%, ibiciro by’amazu, amazi, amashanyarazi, gazi n’ibindi bicanwa byazamutseho 2,5% n’ibiciro by’ibijyanye n’ubwikorezi byazamutseho 5,5%.

Ikibazo cy’izamuka ry’ibiciro cyane mu biribwa cyakunze kwitsa cyane ku birayi, aho abaturage mu bice binyuranye by’igihugu bagaragaje ko ibirayi ku masoko anyuranye byagiye bizamuka cyane kuburyo hari n’abadatinya kuvuga ko baretse kubirya kubera guhenda.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 11 Ukuboza 2016
Copyright © 2009 -2014 - IGIHE Ltd - All Rights Reserved