00:00:00 IGIHE NETWORK KN KINYARWANDA EN ENGLISH FR FRANCAIS

Cogebanque yashyikirije batatu ibihembo batsindiye muri Gahunda yise #Tugendane (Amafoto)

Yanditswe na Dufitumukiza Salathiel
Kuya 8 Nyakanga 2021 saa 08:57
Yasuwe :
0 0

Abakiliya batatu ba Cogebanque batsindiye ibihembo muri Gahunda ya Tugendane yatekerejweho mu bukangurambaga bwo kwimakaza ikoranabuhanga mu kwaka serivisi za banki.

Abatsinze bashyikirijwe ibihembo byabo kuri uyu wa 8 Nyakanga 2021 mu muhango wabereye ku Cyicaro Gikuru cya Cogebanque mu Mujyi wa Kigali.

Ibihembo byatanzwe birimo Frigo, televiziyo nini (flat screen) ndetse n’igare rya siporo. Ni inshuro ya kabiri Cogebanque yahembye abakiliya muri Tugendane kuva yatangizwa ubwo habaga Tour du Rwanda, aho ubwa mbere babiri batsindiye za telefoni.

Iyamuremye Antoine ushinzwe Iyamamazabikorwa Cogebanque yasobanuye ko Tugendane yatangijwe mu gukomeza gukangurira Abaturarwanda by’umwihariko abakiliya ba banki kuyoboka ikoreshwa ry’ikoranabuhanga muri serivisi zayo bakenera, bifashisha uburyo bwabashyiriweho burimo Mobile Banking, application ya Coge mBank, Internet Banking n’amakarita ya Smart card na Mastercard.

Yakomeje ati “Ni igikorwa cyo kugira ngo dushimire abakiliya bacu tuba turi kumwe mu rugendo kugira ngo natwe dukomeze twimakaze ikoranabuhanga kuko irya Cogebanque ririzewe kandi ryorohereza buri wese urikoresha.”

Ibihe Isi irimo byo guhangana na Coronavirus byatumye ikoreshwa ry’ikoranabuhanga mu guhererekanya amafaranga no kwaka serivisi zindi aho bishoboka ryiyongera cyane mu kurinda ko abantu bakwihuriza hamwe bigaha icyuho icyorezo.

Iyamuremye yavuze ko na Cogebanque iri muri uwo murongo, aho yifuza ko umubare munini w’abayigana bazajya basabira serivisi ku ikoranabuhanga aho guhurira ku mashami yayo cyane ko n’amasaha yo gufungura imiryango yagabanyijwe.

Ishimwe Gad umaze amezi atatu atangiye gukoresha Coge mBank, ni we watsindiye flat screen. Yavuze ko yatunguwe no guhamagarwa abwirwa ko agiye guhembwa televiziyo kandi yarayobotse ubwo buryo agamije kubona serivisi byoroshye.

Ati “Nagiye ku Ishami rya Karongi nsobanuza niba nta bundi buryo nazajya nkoresha bunyoroheye kuko hari nk’igihe ku cyumweru batakoraga kandi nkeneye serivisi za banki. Ni ko kunyereka application ya Coge mBank bayinshyirira muri telefoni, ntangira kuyikoresha.”

Nyuma y’imyaka itandatu akorana na Cogebanque, yari afite akanyamuneza kenshi ati “Numvise nishimye cyane kuko aba ari nka ‘surprise’ mu buzima. Kumva bagutunguye ngo watsindiye igihembo kandi hari na serivisi ubona byoroshye ni amata aba abyaye amavuta.”

Gatare Tente Alice watsindiye igare rya siporo na Dushime Fabrice watsindiye frigo bashishikarije bagenzi babo bakorana na Cogebanque batarakoresha ikoranabuhanga kwihutira kurigana, kuko uretse ibihembo no kubona serivisi zinoze kandi vuba, binongera umutekano w’amafaranga hirindwa ubujura no kuyatakaza bya hato na hato.

Nyuma y’abakiliya ba Cogebanque batanu bamaze guhembwa muri #Tugendane hakiri ibindi bihembo birimo na moto biri inyuma.

Kuva Cogebanque yakwemererwa na Banki Nkuru y’u Rwanda gukorera mu gihugu mu 1999, imaze kugira amashami 28 hirya no hino ayifasha kugeza serivisi ku bayigana. Ifite ATM 36, aba-agents barenga 600 bayifasha gutanga serivisi zo gufunguza konti, kubitsa no kubikuza zirimo n’izifashisha ikoranabuhanga binyuze muri Internet Banking, Mobile Banking n’amakarita ya MasterCard (Debit, Credit na Prepaid) afasha abayakoresha kwishyura no kubikuza ahantu harenga miliyoni 36 ku Isi yose.

Ushinzwe Iyamamazabikorwa muri Cogebanque, Iyamuremye Antoine, ni we washyikirije ibihembo abanyamahirwe batsinze muri #Tugendane
Cogebanque yashyikirije abakiliya bayo batatu ibihembo batsindiye muri Gahunda ya #Tugendane
Dushime Fabrice watsindiye (frigo) iburyo na Iyamuremye Antoine ushinzwe Iyamamazabikorwa muri Cogebanque
Dushime Fabrice watsindiye frigo yavuze ko ikoranabuhanga rya Cogebanque ritekanye kandi ribaha serivisi neza
Gatare Tente Alice yatsindiye igare rya siporo muri Gahunda ya Cogebanque yiswe Tugendane
Ibihembo byatanzwe birimo Frigo, televiziyo nini n’igare rya siporo
Ishimwe Gad (wambaye umupira utukura) ubwo yashyikirizwaga flat screen yatsindiye muri Tugendane
Uhereye iburyo: Ishimwe Gad watsindiye televiziyo; Dushime Fabrice watsindiye frigo na Gatare Tente Alice watsindiye igare rya siporo
Ubwo Gatare yashyikirizwaga igare rye n'Ushinzwe Iyamamazabikorwa muri Cogebanque, Iyamuremye Antoine

Amafoto: Yuhi Augustin


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .