Brussels Airlines yagabanyije ibiciro mu kwizihiza "Kwibohora25"

Yanditswe na Ferdinand Maniraguha
Kuya 3 Nyakanga 2019 saa 04:00
Yasuwe :
0 0

Mu gihe u Rwanda rwizihiza imyaka 25 ishize rubohowe, Sosiyete itwara abantu n’ibintu mu ndege, Brussels Airlines, yagabanyije ibiciro by’ingendo ho 20 % ku bagenzi bava i Kigali berekeza ku Mugabane w’u Burayi no muri Amerika y’Amajyaruguru.

Iyi sosiyete yatangaje ko iri gabanyuka ry’ibiciro by’ingendo zayo rigamije kwifatanya n’abanyarwanda kwizihiza imyaka 25 ishize u Rwanda rubohowe.

Iri gabanyuka rizabaho ku bazagura amatike y’indege zayo mbere ya tariki 8 Nyakanga 2019.

Umugenzi uwo ari we wese, yaba umunyarwanda cyangwa umunyamahanga uzagura itike ya Brussels Airlines iva cyangwa iza i Kigali mu gihe cyavuzwe azagabanyirizwa ibiciro.

Brussels Airlines iri mu maboko y’Ikigo cy’indege cy’Abadage cyitwa Lufthansa Group. Ikora ingendo eshanu buri cyumweru ziva i Kigali.

Iyi kompanyi y’indege ya mbere mu Bubiligi ifite icyicaro kuri Brussels Airport, igana mu byerekezo 120 birimo u Burayi, Amerika ya Ruguru, Afurika na Aziya.

Kuva muri Gashyantare 2017, Brussels Airlines na Sosiyete Nyarwanda ikora ingendo zo mu kirere, RwandAir, bifitanye amasezerano y’ubufatanye akubiyemo imikoranire mu by’ubucuruzi no gukemura ibibazo bya tekiniki.

Brussels Airlines, yagabanyije ibiciro by’ingendo ho 20 % ku bagenzi bava i Kigali berekeza ku Mugabane w’u Burayi no muri Amerika y’Amajyaruguru

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza