BPR yasangije abakiliya ikoranabuhanga ritomoye n’uburyo buzaborohereza kubona serivisi z’imari

Yanditswe na Twarabanye Venuste
Kuya 12 Ukwakira 2019 saa 10:57
Yasuwe :
0 0

Banki y’Abaturage y’u Rwanda (BPR Atlas Mara) yagaragarije abakiliya bayo serivisi nshya ibafitiye zo gushyiraho abakozi batanga serivisi za banki n’ikoranabuhanga rizafasha mu kugabanya igihe bakoreshaga bagana amashami yayo atandukanye.

Byagarutsweho ku wa Gatanu, tariki ya 11 Ukwakira 2019, ubwo BPR Atlas Mara yizihizaga Icyumweru yahariye serivisi zihabwa abakiliya, mu birori byabereye mu Karere ka Kayonza.

Serivisi nshya BPR yamuritse zirimo kuba umukiliya azajya abasha kohereza, kubitsa, kureba aamafaranga asigaranye kuri konti, kubikuza, kwakira amafaranga no kureba ibyakorewe kuri konti ye mu gihe runaka, mu buryo bworoshye.

Umukiliya azajya azigeraho we ubwe cyangwa hafi ye, akoresheje telefoni ngendanwa, ‘mobile banking’, mudasobwa ‘internet banking’ cyangwa agane umukozi utanga serivisi za banki (agent).

Abafite smartphone bazajya bayishyiramo, ‘bpr mobile app’ naho abafite telefoni zisanzwe bakande *150# bakurikize amabwiriza kugira ngo boroherwe no kugerwaho n’izo serivisi z’imari.

Mugisha Shema Xavier ushinzwe Abakiliya bato muri BPR yavuze ko icyo bifuriza abakiliya ari uko bashobora kubona ibyo bakeneye byose bakoresheje telefoni kandi bitabatwaye igihe kinini.

Yagize ati “Twatekereje ko servisi zose tuzishyira kuri telefoni, igihe utabashije kujya kuri banki, igihe cyose ushatse kwishyura mugenzi wawe utazirirwa ujya kuri banki. Icyo wifuza kuri banki ukakibona.’’

Asobanura ku bakozi bazajya batanga serivisi za banki, yagize ati “Agent banking ni serivisi, tuzafata umukiliya tukamuzanira banki mu iduka rye, tukamuha imashini, noneho na we agacuruza ariko akanatanga na serivisi za banki. Turashaka kubegereza serivisi mu buryo butavunnye banki n’abakiliya.”

Yavuze ko muri rusange hamwe na Banki y’Abaturage bitakiri ngombwa “Kwihutira kuri banki ngo abakozi bagiye gutaha amasaha yageze. Ushobora kubitsa, kubikuza, kureba amafaranga usigaranye kuri konti uri iwawe cyangwa ku mu agent hafi y’aho utuye.’’

Umucuruzi akaba n’umukiliya w’Imena wa BPR, Habakurama Oreste, yavuze ko izo serivisi ari nziza kandi zizabororohereza mu bucuruzuzi bwabo.

By’umwihariko, yashishikarije abatangiye gukoresha ‘mobile banking’ gukomeza kuyifashisha kuko iborohereza cyane nk’abacuruzi n’abandi bashaka gukora serivisi bwangu.

Ati “Hari serivisi nziza mwagiye mutubwira, mpereye kuri ‘mobile banking’ abamaze kuyigeramo tuyikoresha, ntiwabona icyo uyigereranya. Mu buryo bwo kugira ngo zimenyekane dukwiriye kubaka abantu bacu, bakarushaho kuzisobanurira abakiliya.”

Umuyobozi w’Akarere ka Kayonza, Murenzi Jean Claude, yashimiye BPR kuri serivisi iha abaturage kuko yafashije abo mu karere ayoboye kubona serivisi za banki mbere y’ibindi bigo by’imari. Yijeje gukomeza kugirana ubufatanye mu kurushaho kunoza serivisi zihabwa abaturage.

Banki y’Abaturage ubu izwi nka BPR part of Atlas Mara yatangiye gukorera mu Rwanda mu 1975 itangiranye n’abaturage ba Nkamba mu Burasirazuba bw’u Rwanda.

Umuyobozi wa BPR Atlas Mara, Maurice Toroitich, yashimiye abakiliya ba banki anibutsa ko yashinzwe ngo itange serivisi nziza ku bayigana.

Ati “Iyi banki yaje kugira ngo ifashe abaturage, mu mibereho yabo tubahe serivisi. Urebye ibyo dukora ubu uzasanga abakozi bacu bakora cyane bashyashyana bafasha abakiliya. Turashaka ngo igihe cyose uje bakumve bakemure ikibazo ufite.’’

Abakozi batanga serivisi za banki bazwi nka "agents" barenga 300 ni bo bazaba bakorera mu gihugu hose mbere y’impera za 2019.

Abakiliya bishimiye iterambere rya serivisi bahabwa na Banki y'Abaturage batanga n'ibitekerezo byabo
Cyusa Jean Luc ushinzwe Ubucuruzi bukorana n'ibigo byo mu Rwanda birimo inganda muri BPR atanga ibitekerezo
Icyumweru cyahariwe serivisi z'abakiliya cyizihirijwe mu Karere ka Kayonza
Banki y'Abaturage y'u Rwanda yashimiye abakiliya bayo, ibizeza gukomeza kubaha serivisi nziza
Irihose Grace ushinzwe kugeza ikoranabuhanga ku bakiliya yasobanuye ibya serivisi nshya zegerejwe abakorana na BPR Atlas Mara
Karemera Fiston uhagarariye BPR mu Ntara y’Iburasirazuba n’Akarere ka Gicumbi
Mugisha Shema Xavier ushinzwe Abakiliya bato muri BPR yavuze ko icyo bifuriza abakiliya ari uko bashobora kubona ibyo bakeneye byose bakoresheje telefoni
Umuyobozi wa BPR Atlas Mara, Maurice Toroitich, yavuze ko bankiizakomeza gutanga serivisi nziza ku bayigana
Umuyobozi w'Akarere ka Kayonza, Murenzi Jean Claude, yashimye Serivisi za Banki y'abaturage mu iterambere ry'igihugu

Amafoto: Munyarugerero Gift


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza