Kwamamaza

Banki ya Kigali yungutse abayobozi bashya mu mashami atatu

Yanditswe kuya 14-11-2016 saa 16:49' na Marie Ange Mukaneza


Banki ya Kigali (BK) yungutse abayobozi bashya kuri uyu wa Mbere, barimo umuyobozi w’Ishami ry’ubucuruzi, irishinzwe Ibikorwa n’Ishami ry’ikoranabuhanga n’itumanaho.

Umwanya w’Umuyobozi Ushinzwe ubucuruzi (Chief Commercial Officer), wahawe Vincent Gatete, Ishami rishinzwe ibikorwa( Chief Operations Officer) riyobowe na Rumanyika Désiré mu gihe Eddy Mabano Kayihura yagizwe Umuyobozi w’Ishami rishinzwe ikoranabuhanga n’itumanaho(Chief Information Technology Officer).

Umuyobozi mukuru wa BK, Dr Diane Karusisi, yavuze ko aba bayobozi bose uko ari batatu ari abanyarwanda basanzwe bafite ubunararibonye mu nshingano bahawe.

Ati”Nshimishijwe no kwakira Vincent, Désiré na Eddy mu ikipe yacu. Turizera ko umusanzu wabo uzagira ingaruka nziza mu iterambere rya banki no gushimangira imbaraga zacu mu guhanga no gutegura ibicuruzwa bihaza ndetse bikanarenga ibyo abakiliya batekerezaga.”

Gatete w’imyaka 38, agiye gukorera BK nyuma y’ibigo bitandukanye yagiye ayobora birimo ISCO Intersec Security na Crystal Telecom. Nk’umuyobozi ushinzwe ubucuruzi, afite inshingano zo gushyiraho ingamba zigamije gusubiza ibyifuzo by’urwego rw’amabanki n’abakiliya muri rusange.

Rumanyika w’imyaka 44 we amaze imyaka 17 akora mu bijyanye n’imari, aho yagiye ahabwa inshingano zitandukanye mbere yo kwinjira muri BK, zirimo izo kuyobora Banki Nyafurika Itsura Amajyambere mu Rwanda. Mu nshingano ze nshya harimo kwita no kugenzura ibikorwa bitandukanye bya BK mu mashami yayo ari hirya no hino mu gihugu.

Kayihura w’imyaka 41, afite ubunararibonye bw’imyaka 17 mu bijyanye n’ikoranabuhanga, mbere yo kwinjira muri BK akaba yari Umuyobozi mukuru w’Ikigo BSC (Broadband System Corporation) gitanga Internet.

Dr Karusisi uyobora BK, avuga ko imbaraga z'aba bakozi zizagira uruhare mu guteza imbere iyi banki no guhaza ibyifuzo by'abakiriya

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved