Kwamamaza

Banki y’Isi yagurije u Rwanda miliyoni $95 agiye kuzamura abari mu bukene bukabije

Yanditswe kuya 3-11-2016 saa 11:35' na Rabbi Malo Umucunguzi


Banki y’Isi yahaye u Rwanda inguzanyo ya miliyoni $95 agiye gushyirwa mu mishinga itandukanye igenewe kuzamura imibereho y’abaturage.

Ni inguzanyo yatanzwe n’ikigega cya Banki y’Isi gishinzwe iterambere mpuzamahanga, IDA, mu masezerano yashyizweho umukono hagati ya Minisitiri w’Imari n’Igenamigambi, Amb. Gatete Claver ku ruhande rwa Guverinoma y’u Rwanda na Yasser El Gammal uhagarariye Banki y’Isi mu Rwanda.

Azakoreshwa mu kuzamura abaturage bakennye, cyane mu bateganywa n’ibyiciro by’ubudehe bakanafashwa binyuze muri gahunda nka VUP.

Ni inguzanyo yemejwe n’inama y’ubutegetsi ya Banki y’Isi kuwa Mbere saa Sita z’ijoro, ikaba izishyurwa mu myaka 40 ku nyungu ya 0.75%, hariho imyaka 10 yo kutishyura.

Minisitiri Gatete yavuze ko iyi gahunda "ijyanye na gahunda ya guverinoma igamije kugabanya ubukene,"

Ati "Nk’uko duheruka ko kubona ko abari mu bukene bukabije ari 16.3%, turashaka ko mu 2020 bazaba bageze kuri zeru, ariyo mpamvu dukeneye amafaranga nk’aya ".

Banki y’Isi ifasha u Rwanda muri gahunda zizamura abaturage binyuze mu bufasha bw’amafaranga na tekiniki, aho binyuze muri gahunda ya IDA 17, iyi Banki imaze guha u Rwanda miliyoni $260 mu myaka itatu ikurikirana, guhera 2014.

Minisitiri w'Imari n'Igenamigambi, Amb. Claber Gatete

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved