Kwamamaza

Banki n’ibigo by’imari byasabwe kwita ku miyoborere kugira ngo birusheho kwizerwa

Yanditswe kuya 17-11-2016 saa 12:26' na Mukaneza M. Ange


Ikigo gishinzwe kugenzura iby’isoko ry’imari n’imigabane (CMA) ku bufatanye n’Ikigega cy’imari cya Banki y’Isi gifasha abikorera (International Finance Corporation, IFC), byasabye amabanki n’ibigo by’imari kurushaho kwita ku miyoborere kugira ngo birusheho kwizerwa kuko ari byo bituma inyungu iboneka.

Iyo witegereje iterambere u Rwanda rumaze kugeraho mu myaka mike ishize, rishimangira neza ko imiyoborere myiza ari inkingi ikomeye ituma gahunda zitandukanye zitanga umusaruro.

Mu nama yahuje abayobozi batandukanye bafite aho bahurira n’ibijyanye n’imari yateraniye mu Mujyi wa Kigali kuri uyu wa 16 Ugushyingo 2016, Umuyobozi wa IFC mu Rwanda, Ignace Rusenga yavuze ko udafite imiyoborere myiza udashobora gukemura ibibazo.

Ati “U Rwanda rwabaye igihugu cya mbere IFC yemereye gushyira ku isoko ry’imari n’imigabane impapuro mvunjwafaranga zarwo. Icyatumye tubikora n’uburyo bw’imiyoborere n’imikorere y’isoko ry’imari n’imigabane yateye imbere. Ibi biha ikimenyetso abazazigura ko u Rwanda ari ahantu heza ho gukorera ishoramari.”

Umuyobozi wa Banki ya Kigali, Dr Diane Karusisi yavuze ko ubuyobozi bwiza bw’igihugu ari icyitegererezo ku bigo bitandukanye, kandi ko ari ingenzi ko imiyoborere myiza ibaho kuko itariho nta muntu wapfa kukwizera.

Umuyobozi ushinzwe Imiterere y’Ubukungu muri Banki Nkuru y’Igihugu, Uwase Peace, we yavuze ko imiyoborere y’imbere mu bigo ari ikintu gikomeye cyane ariko byagera mu bakora ibijyanye n’imari bikaba akarusho kuko baba bafite umubare w’abantu benshi barimo n’abakiliya baba bagomba guhabwa amakuru yose y’ibiri kuba birimo n’uburyo inyungu yabonetse.

Umuyobozi Mukuru wa CMA, Robert Mathu yavuze ko kugira ngo birinde ko hagira ibibazo bivuka mu bigo by’imari, imiyoberere myiza ikwiye guhabwa agaciro uhereye ku bagize inama y’ubutegetsi.

Ati “Iyi nama kwari nko kubibutsa mu rwego rwo kuganira ku bibazo by’imiyoborere myiza n’imyitwarire y’abayobozi b’ibigo by’imari, nyuma yayo tugiye kwerekeza mu mwiherero aho abagize inama y’ubutegetsi bazaganira kuri iki kibazo.”

Mathu kandi yagaragaje ko kugira ngo imigabane y’ikigo ishyirwe ku isoko ry’imari n’imigabane bijyana no kuba kinafite imiyoborere inoze yabyo.

Umugenzuzi Mukuru w’Imari ya Leta, Obadia Biraro wari witabiriye iyi nama nawe yagaragaje ko uretse kuba imiyoborere inoze ituma ikigo kigirirwa icyizere kijyana n’iterambere, binatuma bibasha kubona inguzanyo y’igihe kirekire kandi ihendutse.

Umuyobozi Mukuru wa Banki ya Kigali, Diane Karusisi (ibumoso)avuga ko ubuyobozi bwiza bw’igihugu ari icyitegererezo ku bigo bitandukanye
Umugenzuzi Mukuru w’Imari ya Leta, Obadia Biraro yatangaje ko imiyoborere inoze ituma ikigo kirushaho kubona inguzanyo y’igihe kirekire
Umuyobozi wa I&M Bank, Robin C. Bairstow nawe yitabiriye iyi nama
Umuyobozi wa CMA, Robert Mathu, asanga imiyoberere myiza ikwiye guhabwa agaciro uhereye ku bagize inama y’ubutegetsi
Umuyobozi wa IFC mu Rwanda, Ignace Rusenga (ibumoso)

Amafoto: Mahoro Luqman

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved