AXON Tunga yegereje serivisi z’imari ziganjemo ikoranabuhanga abasura imurikagurisha ry’ibikorerwa mu Rwanda

Yanditswe na Evariste Nsengimana
Kuya 2 Ukuboza 2019 saa 04:33
Yasuwe :
0 0

Ikigo cy’imari cya ‘AXON Tunga’ kimaze kwamamara kuri serivisi z’imari mu Rwanda, cyegereje abasura imurikagurisha ry’ibikorerwa mu Rwanda serivisi zacyo ziganjemo iz’ikoranabahanga rifasha abakiliya guhuza konti bafitemo n’iya MTN Mobile Money, ku buryo babitsa cyangwa bakabikuza ku mukozi wayo bitabasabye gutonda umurongo ku mashami yayo.

Iri murikagurisha rizwi nka Made in Rwanda Expo riri kubera i Gikondo muri Expo Ground, ryatangiye ku wa 22 Ugushyingo 2019 rikazasozwa ku wa 4 Ukuboza 2019.

Ryitabiriwe n’abamurika bo mu nzego zitandukanye zirimo ikoranabuhanga, inganda, ubuhinzi n’ubworozi, ubugeni, iz’imari zirimo izo AXON Tunga itanga.

AXON Tunga itanga serivisi nziza kandi zihuse zirimo izo kubitsa, kubikuza, kuguriza, iri gukorera mu kibanza kimurikirwamo serivisi ziganjemo iz’ikoranabuhanga, cyanditseho ICT Chamber.

Ukigera aho AXON Tunga imurikira, nk’ibisanzwe wakiranwa urugwiro n’abakozi bayo bafite ubunararibonye mu gucunga neza umutungo no kuwubyaza inyungu, bakagusobanurira ubwoko bwa konti n’inguzanyo icyo kigo cy’imari gitanga nawe ukihitiramo wamaze kumva ibyiza bya buri imwe.

Muri konti abakozi b’iki kigo cy’imari kimaze kwigarurira imitima y’abatari bacye kubera serivisi inoze kirimo gusobanurira abasura imurikagurisha harimo iyo kubitsa no kubikuza uko wabyifuza, iyo kwizigamira yunguka 3% n’iyo kwizigamira by’igihe kirekire yunguka 9%, zose zikagufasha guhabwa inguzanyo.

AXON Tunga kandi ifite serivisi y’umwihariko, aho ushobora kubahamagara kuri 5010 cyangwa 0783523748 aho waba uri hose, bitewe n’ingano y’amafaranga ushaka kubitsa cyangwa kubikuza, bakagusanga aho ukorera ubucuruzi bwawe mu rwego rwo kuyongerera umutekano.

Iki kigo kinafite n’inguzanyo buri wese yisangamo zirimo ihabwa abantu ku giti cyabo, ihabwa amatsinda y’abantu bari hagati ya 6-10 nyuma yo gufungura konti, bakanayizigamiraho ariko bagasabwa gutanga ingwate y’umutungo utimukanwa.

Hari ihabwa amatsinda y’abari hagati ya 11-30 nyuma yo gufungura konti bakanayizigamiraho. Ifitiye abishyize hamwe akamaro kihariye nk’uko ubuyobozi bwa AXON Tunga bubisobanura. Iyi ihabwa abishyize hamwe nta ngwate batswe.

Ubuyobozi bw’iki kigo cy’imari kandi bwabwiye IGIHE ko hari n’inguzanyo ihabwa umuntu ku giti cye, wikorera ufitemo konti yizigamiraho igihe yifuza kwagura ibikorwa bye. Ayihabwa nyuma yo kuganirizwa, akagirwa inama y’ingano y’inguzanyo yafata bitewe n’ubushobozi afite ndetse n’uko umushinga afite uzunguka.

Hari n’inguzanyo y’ingoboka, ihabwa abakiliya bamaze igihe bakorana na AXON Tunga igihe bahuye n’ikibazo kibasaba amafaranga mu buryo bwihutirwa n’inguzanyo ku mushahara.

Iyo ku mushahara yagenewe abakozi bahemberwa muri AXON Tunga, igihe bifuza kugura ikintu gifite agaciro karuta umushahara. Iyi bashobora kuyaka nk’igihe bifuza kugura imodoka, ikibanza, inzu cyangwa n’ibindi bibafasha kwiteza imbere.

Ubuyobozi bwa AXON Tunga buvuga ko ‘Inguzanyo z’amatsinda, inyungu ari 2% naho izindi zose ni 1,5% ku kwezi’ ingano yazo ikagendana n’ubushobozi bw’umukiriya ndetse hanagendewe ku buryo umukiliya akoresha konti.

AXON Tunga yatangiye gukorera mu Rwanda mu 2017, ifite umwihariko wo kwimakaza ikoranabuhanga rijyanye na gahunda ya Guverinoma yo kugabanya ingano y’amafaranga ahererekanywa mu ntoki.

Abakozi ba Axon Tunga begera abakiliya bakabereka uko konti bafite zabafasha kugera ku ndoto zabo
Abakozi ba Axon Tunga bakirana urugwiro abayigana
Axon Tunga yegereje serivisi z'imari ziganjemo iz'ikoranabuhanga abasura imurikagurisha ry'ibikorerwa mu Rwanda
Ikibanza Axon Tunga irimo gukoreramo muri Made in Rwanda Expo
Itanga serivisi ziganjemo izikorerwa kuri telefone
Muri Axon Tunga umukiliya ni nk'umwami
Zimwe muri serivisi itanga harimo kubitsa kubikuza n'inguzanyo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza