00:00:00 IGIHE NETWORK KN KINYARWANDA EN ENGLISH FR FRANCAIS

Amafaranga Aba-Diaspora bohereza muri Afurika azagabanyukaho miliyari 3$ uyu mwaka

Yanditswe na Muhonzire Sylvine
Kuya 19 Nzeri 2021 saa 12:48
Yasuwe :
0 0

Raporo ya Komisiyo ya Loni ishinzwe ubukungu muri Afurika (ECA) ku bijyanye n’abimukira, igaragaza ko amafaranga yoherezwa muri Afurika n’abadiaspora batuye mu bihugu byateye imbere azabaganuka akava kuri miliyari 44$ mu 2020 akagera kuri miliyari 41$ mu 2021.

Iyi raporo yasohotse muri Kanama 2021, yerekanye ko uku kugabanuka kw’aya mafaranga yohererezwa imiryango n’inshuti kuzaterwa n’uko hari Abanyafurika birukanwe ku kazi abandi bakagabanyirizwa imishahara kubera ingaruka za Covid-19 ku bukungu bw’ibihugu byakira abimukira benshi.

Mu 2018 amafaranga Abanyafurika baba mu mahanga bohererezaga imiryango yabo, yabarirwaga muri miliyari 84.3$, angana na 12% by’ayoherezwa ku Isi hose. Mu 2019 yarazamutse agera kuri miliyari 85.9$. Gusa kubera ingaruka za Covid-19 aya mafaranga yaragabanutse mu 2020 ndetse biteganijwe ko mu 2021 azagabanuka kurushaho akagera kuri miliyari 41$.

Iyi raporo igaragaza ko aya mafaranga agira uruhare rukomeye mu kugabanya ubukene muri Afurika, kongerera ubushobozi imiryango imwe n’imwe mu bijyanye n’imirire, ndetse no guteza imbere imiturire, cyane ko agize 23% by’umusaruro mbumbe w’ibihugu bya Afurika biri munsi y’ubutayu bwa Sahara.

Kubera gahunda y’izahurwa ry’ubukungu mu bihugu bimwe na bimwe amafaranga yinjizwaga n’abanyafurika bagiye gushaka imibereho mu bihugu byateye imbere yaragabanutse, bituma inshuti n’imiryango yabishingikirizagaho ihura n’ibibazo.

Nubwo bimeze bityo ariko na Afurika ntiborohereza, kuko usanga bacibwa ikiguzi kiri hejuru cyane iyo bohereje amafaranga, aho uwohereje amadorali 200 ashobora gucibwa amadorali 18, ni ukuvuga 8.5% by’ayoherejwe.

Iyi raporo isaba ibihugu bya Afurika kuborohereza ntibacibwe amafaranga menshi mu gihe bohereza amafaranga kuko usanga mu bihugu 25 byo muri Afurika bifite abadiaspora benshi, imiryango yabo aribo iba ikesha kubaho.

Ikomeza isaba ibi bihugu gushyiraho gahunda zituma abaturage babyo batifuza kwimukira mu bindi bajya gushaka imibereho, bagashyira imbaraga mu kugabanya ubukene, gushyiraho imirimo mishya ndetse n’ubuyobozi bwiza.

Amafaranga Abadiaspora bohereza muri Afurika azagabanukaho 5.4% mu 2021

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .