Kwamamaza

Abanyamahirwe babiri batsindiye miliyoni imwe muri ‘Kira’ na I&M Bank

Yanditswe kuya 3-08-2016 saa 12:02' na Mukaneza M.Ange


Nyuma y’ubukangurambaga bwiswe ‘Kira” bwatangijwe na I&M Bank mu rwego rwo gushishikariza abantu gufunguza konti no gukoresha serivisi zo kubitsa no kuguriza bakoresheje ikoranabuhanga, abanyamahirwe babiri batsindiye miliyoni imwe y’amanyarwanda buri wese.

Muri ubu bukangurambaga bw’amezi atatu bwatangijwe ku itariki ya 5 Nyakanga 2016, umukiliya mushya cyangwa usanzwe uzajya ukoresha serivisi atari asanzwe akoresha zirimo ikoranabuhanga mu kubitsa no kubikuza (Electronic banking and payments) azajya abona amahirwe yo gutsindira miliyoni imwe buri cyumweru.

Abanyamahirwe babiri ba mbere begukanye iyi miliyoni ni Mugisha Nathan na Mukakabanda Jeanne uhagarariwe na Kanyundo Antoinette.

Ubwo bashyikirizwaga ibihembo byabo kuri uyu wa 3 Kanama 2016, Mugisha Nathan umaze igihe kitageze ku kwezi afunguje konti muri I&M bank yavuze ko aya mafaranga agiye kumufasha muri gahunda yo kugura ikibanza yari yarihaye.

Ati” Bigiye kwihutisha umushinga nari mfite. Nari nsanzwe naratangiye gahunda yo kwizigama kugira ngo nzagure ikibanza mu nkengero z’umujyi wa Kigali. Ni izindi mbaraga mbonye zigiye kumfasha kugera ku nzozi zanjye.”

Yakomeje avuga mu gihe gito amaranye I&M Bank yashimye uburyo serivisi zayo zihuta ndetse n’ibyangombwa ukeneye ukaba wabifatira ku ishami rikwegereye bitabaye ngombwa ko ujya aho wafunguriye konti.

Umuyobozi mukuru wa I&M Bank mu Rwanda, Robin Brairstow yavuze ko ikigamijwe mu bukangurambaga bwa ‘Kira’ ari ugukurura abakiliya bashya no gushishikariza abasanzwe gukoresha serivisi zose batanga.

Yakomeje avuga ko muri ubu bukangurambaga umuntu ku giti cye cyangwa ikigo cy’ubucuruzi gifite amahirwe yo gutsindira amafaranga.

Muri ubu bukangurambaga abantu 10 bazatsindira miliyoni buri cyumweru, ku musozo umuntu umwe akazegukana igihembo nyakuru cya miliyoni 5 z’amafaranga y’u Rwanda. Amafaranga yose azatangwa ni miliyoni 15.

I&M Bank niyo banki ya mbere y’ubucuruzi yashinzwe mu Rwanda mu 1963, icyo gihe ikaba yaritwaga BCR (Banque commercial du Rwanda).

Kugeza ubu ifite amashami 17 hirya no hino mu gihugu n’abakiliya basaga ibihumbi 30.

Mugisha Nathan, Umuyobozi wa I&M Bank na Kanyundo Antoinette
Mugisha Nathan na Kanyundo Antoinette, uhagarariye Mukakabanda Jeanne
Umuyobozi wa I&M Bank, Robin Brairstow

[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 29 Nzeri 2016
Copyright © 2009 -2014 - IGIHE Ltd - All Rights Reserved